Opel ընկերությունը ներկայացրել է իր առաջին միացվող հբրիդ Grandland X Hybrid4 քրոսովերը՝ այնպիսի ուժային սարքով, ինչպիսին ունի Peugeot 3008-ը, փոխանցում է Motor-ը:
Նոր Opel Grandland X Hybrid4-ը հագեցած է 300 ձ.ու. հզորության ուժային սարքով՝ 1.6 PureTech «տուրբոքառյակի» հիմքով: Այն ունի 2 էլեկտրաշարժիչ՝ մեկը միացված է ութդիապազոնանի «ավտոմատով», երկրորդը՝ ինվերտորի եւ ռեդուկտորի հետ տեղադրված է հետեւի առանցքի վրա: Դրանք սնում է նստատեղերի հետեւի շարքի տակ տեղադրված 13,2 կՎտ/ժամ տարողությամբ մարտկոցը: Grandland X Hybrid4-ը էլեկտրաքարշով կարող է անցնել մինչեւ 50 կմ՝ WLTP ցիկլով, լրացուցիչ վազքի եւս 10 տոկոս է ապահովում վերափոխարկման համակարգը:
Ուժային սարքն աշխատում է 4 ռեժիմով՝ էլեկտրական, հիբրիդային, 2 էլեկտրաշարժիչների հարկադիր ակտիվացմամբ եւ սպորտային: Համակարգն ինքնուրույն է ընտրում աշխատանքի ամենաէկոլոգիական ռեժիմը եւ կարող է քաղաքի կենտրոնում երթեւեկելիս միանալ էլեկտրաքարշին: Լիցքավորման ժամանակը կախված է տերմինալի տեսակից՝ պատի 7,4-կիլովատտանոց սարքից մարտկոցը կարելի է լիցքավորել 1 ժամ 50 րոպեում:
Opel Grandland X Hybrid4-ի գնորդները հասանելիություն կունենան Եվրոպայում 85 հազար լիցքակայանների, որոնք մտնում են Free2Move Services ցանցի մեջ, որը զբաղվում է երթուղիների ծրագրմամբ՝ տերմինալների տեղադրությունը եւ էներգիայի ընթացիկ ծախսը հաշվի առնելով:
Առաջիկա 20 ամիսներին Opel-ը կներկայացնի մի քանի նոր մոդելներ, որոնցից յուրաքանչյուրը կստանա մարտկոցային տարբերակ: Դրանց թվում են՝ նոր Corsa-ն, Zafira Life-ը, Vivaro բեռնատարը, ինչպես նաեւ Mokka քրոսովերի ժառանգորդը:
