News
Լրահոս
News
Երկուշաբթի
Հունիս 24
USD
477.53
EUR
539.47
RUB
7.57
ME-USD
0.16
Տեսնել լրահոսը

ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Բագրատ Բադալյանը հանդիպել է նախարարության ծրագրերով ճանապարհաշինական աշխատանքներ իրականացնող կազմակերպությունների ներկայացուցիչներին:

Նախարարությունից NEWS.am-ին հայտնում են, որ հանդիպման ընթացքում նշվել է, որ արդեն մեկնարկել են ՀՀ պետական բյուջեի շրջանակներում իրականացվող հիմնանորոգման, միջին նորոգման, ինչպես նաեւ Համաշխարհային բանկի ֆինանսավորմամբ «Կենսական նշանակության ճանապարհացանցի բարելավման ծրագրով» կատարվող ճանապարհաշինական աշխատանքների զգալի մասը:

Նախարարի տեղակալ Բագրատ Բադալյանը հատկապես կարեւորել է որակի, ժամկետների հետ կապված մի շարք հարցեր: Նա նշել է, որ որակի հսկողությունը լինելու է խիստ, պայմանագրով սահմանված ժամկետների խախտումներն՝ անթույլատրելի:

Նա ընդգծել է, որ ոչ թե աշխատանքների վերջում, այլ դրանց ընթացքում, պայմանագրի անբաժանելի մասը հանդիսացող ժամանակացույցով են հետեւելու շինարարական աշխատանքների առաջընթացին։ Դրանից զգալի շեղման պարագայում տրվելու է ողջամիտ ժամկետ այն շտկելու համար, հակառակ դեպքում տվյալ կազմակերպության հետ կխզվի պայմանագիրը՝ համապատասխան ֆինանսական հետեւանքների կիրառմամբ։

Անդրադարձ է կատարվել նաեւ այն կապալառու կազմակերպություններին, որոնք նախարարության հետ կնքել են մի քանի ճանապարհաշինական պայմանագրեր: Այդ կազմակերպությունների պատասխանատուների հետ եւս մեկ անգամ քննարկվել է աշխատանքները որակով եւ ժամանակին իրականացնելու նախարարության պահանջը:

Բագրատ Բադալյանն ընդգծել է, որ բարձրացվել են նաեւ նախագծերի կատարման նկատմամբ նախարարության պահանջները։ Որակապես բարելավված նախագծերը պետք է ապահովեն համապատասխան ստանդարտների, նոր մոտեցումների եւ նախագծային լուծումների կիրառումը, որը կհանգեցնի աշխատանքների որակի բարձրացմանը։

Նախարարի տեղակալի խոսքով՝ աշխատանքային նոր ստանդարտների, նոր մշակույթի ներդրումը շինարարության ընթացքում պետք է տեսանելի եւ շոշափելի լինի։

Շինարարական կազմակերպությունների ներկայացուցիչներին հանձնարարվել է նաեւ շինարարության ընթացքում հատուկ ուշադրություն դարձնել անվտանգ երթեւեկության կազմակերպմանը եւ ապահովմանը։

Բագրատ Բադալյանը տեղեկացրել է, որ 2019թ. նախագծերը լրացուցիչ փաթեթով  գտնվում են ամփոփման փուլում: Նա մեկ անգամ եւս հորդորել է, որպեսզի մրցույթներին մասնակցելու համար դիմեն միայն նրանք, որոնց կարողությունը թույլ է տալիս ստանձնած պարտավորության ծավալով եւ սահմանված որակով իրականացնեն աշխատանքները:

Հանդիպման ընթացքում քննարկվել են մի շարք հարցեր՝ կապված հայտարարված մրցույթների ժամկետների, նախագծող եւ պատվիրատու կազմակերպությունների պարտավորությունների վերաբերյալ։

Բարձրացված բոլոր հարցերին տրվել են հանգամանալից եւ սպառիչ պատասխաններ։

Տպել
Կարդացեք նաև
Ամբողջը
Եվրոպական դատարանը Գերմանիային արգելել է արասահմանցիների համար վճարովի ավտոուղի կառուցել
Եվրադատարանի վերջնական որոշումը բոլորի համար անակնկալ էր, քանի որ այն ավելի վաղ աջակցել էր Գերմանիայի այս նախագծին…
Հայտարարվել են Վայոց ձորի եւ Տավուշի մարզերի ճանապարհների վերականգնման մրցույթներ
Հայտատու կազմակերպությունները պետք է ունենան համապատասխան շինարարական աշխատանքների իրականացման փորձ եւ ռեսուրսներ…
Պետական նշանակության ճանապարհների հիմնանորոգման արժեքը կազմել է 6 մլրդ դրամ. նախարար
«Դուք գիտեք, որ վարչապետի հանձնարարականով այդ նպատակի համար ֆինանսական միջոցներն այս տարի ավելացվել են, իսկ հաջորդ տարի...
Փոխնախարար Բագրատ Բադալյանը ԵՆԲ ներկայացուցիչների հետ քննարկել է «Հյուսիս-հարավ»-ի հեռանկարները
Բանկի ֆինանսավորմամբ Հայաստանում իրականացվող ենթակառուցվածքային ծրագրերը...
Հայաստանում շահագործման է հանձնվել Վանաձոր-Ալավերդի-Վրաստան ավտոմայրուղու 38,5 կմ երկարությամբ հատվածը. նախարար
Սա բավականին բարձրորակ, լայն ճանապարհ է՝ անհրաժեշտ ենթակառուցվածքների առկայությամբ…
Հունիսի 8-ին ժամանակավորապես կդադարեցվի Մյասնիկյան պողոտայի երթեւեկությունը. Ծառեր են հատելու
Պատճառվող անհարմարությունների համար հայցում ենք մեր համաքաղաքացիների ներողամտությունը…