News
Լրահոս
News
Հինգշաբթի
Հոկտեմբեր 17
USD
476.43
EUR
529.69
RUB
7.45
ME-USD
0.08
Տեսնել լրահոսը

El Confidencial հրատարակության լրագրող Էթել Բոնեն այցելել է Ղարաբաղ եւ իր տպավորությունները ներկայացրել «Անտեսանելի երկրի մոռացված ֆուտբոլիստները. ինչպես ապրել չճանաչված պետությունում» հոդվածում:

Հեղինակն իր հոդվածը սկսում է «Արսենալի» կիսապաշտպան Հենրիխ Մխիթարյանի՝ Բաքվում հանդիպմանը չմասնակցելու փաստի հաստատումից՝ Հայաստանի նկատմամաբ Ադրբեջանի թշնամական վերաբերմունքի պատճառով:

Հեղինակը նշում է, որ Լեռնային Ղրաբաղի հակամարտության հետեւանքով մահացել է ավելի քան  30 հազար մարդ եւ վերքը չի ապաքինվել: Ավելի քան քառորդ դար հրադադարի ավարտից հետո խաղաղ բանակցությունները դեռեւս փակուղում են:

«Ղարաբաղի մարզը ստեղծվել է խորհրդային շրջանում Ադրբեջանի սահմաններում, որտեղ ապրել է քրիստոնյա հայերի մեծամասնությունը եւ մուսուլմանական փոքրամասնությունը:

Երբ ԽՍՀՄ-ը փլուզվեց, փոքրիկ տարածաշրջանը անկախություն հռչակեց: Այդ ժամանակվանից Ադրբեջանը հավակնում է այդ տարածքին եւ աշխարհում ոչ մի երկիր չի ճանաչում այն», - նշում է հեղինակը:

Իր խորհրդային անցյալը մոռնալաու համար Լեռնային Ղարաբաղը 2017-ին վերադարձրեց  հայկական Արցախ պատմականանվանումը: Հայաստանի հետ նույնական կապերն այնքան ուժեղ են, որ նրանց ազգային դրոշի գույները նույնն են սպիտակ գծի տարեբրությամբ, որը խորհրդանշում է առանձին տարածքը:

 «Արցախի Հանրապետությունը զգում է, որ այն գտնվում է Ադրբեջանի հետ էքզիստենցիալ պատերազմում: 13 տարեկանում դպրոցում երեխաները  սովորում են հավաքել եւ քանդել հրացան, իսկ 15-ում հստակ հասկանում են, որ ցանկանում են ծառայել իրենց երկրին», - ընդգծում է հեղինակը:

«Փաստը, որ Լեռնային Ղարաբաղը գտնվում է աշխարհաքաղաքական անորոշության մեջ՝ ոչ պատերազմ, ոչ խաղաղություն, անկախության եւ միջազգային չճանաչման միջեւ, Լեռնային Ղարաբաղը ուրույն տեղ է դարձնում։ Դա պետություն է դե ֆակտո, որն անտեսվում է միջազգային հանրության կողմից, ապրում է շնորհիվ քաղաքական եւ տնտեսական համագործակցության Հայաստանի հետ։ Ստեփանակերտն աշխատում է ինչպես ցանկացած այլ եվրոպական մայրաքաղաք՝ պետական հաստատություններով, պետական հեռուստատեսությամբ, պետական համալսարանով եւ միջազգային օդանավակայանով։ Բայց առաջընթացի կամ զարգացման ցանկացած փորձ սահմանափակվում է նրա չճանաչված սահմաններով»,- գրում է հոդվածի հեղինակը. «Ղարաբաղի համար պայքարը միշտ գոյատեւելու հարց է եղել, բայց հիմա շատ երիտասարդներ երազում են այլ ապագայի մասին. նրանց սերունդը կդնի միջազգային ճանաչման հիմքը»։

Հոդվածի հեղինակի հետ զրույցում Արցախի պետական համալսարանի ուսանողները, որը 50-ամյա պատմություն ունի, որտեղ սովորում է 2600 ուսանող, ասել են, որ չնայած ուսուցման լավ որակին՝ բուհի վկայականը չի ճանաչվում Արցախի եւ Հայաստանի սահմաններից դուրս։ 16-ամյա Գառնիկ Գալստյանը ձգտում է ապագա լիդեր դառնալ, ուստի լի է վճռականությամբ՝ ընդունվելու քաղաքագիտության ֆակուլտետ բանակում ծառայությունից հետո. «Ես մտահոգ եմ մեր պետության տնտեսությամբ եւ ենթակառուցվածքի զարգացմամբ։ Մեզ հարկավոր է առաջընթաց Ադրբեջանի եւ Հայաստանի միջեւ խաղաղ բանակցություններում, որպեսզի մենք կարողանանք առաջ շարժվել։ Պետությունները պետք է լսեն մեզ, բայց Ադրբեջանը նավթ ունի, իսկ մենք՝ լեռներ»։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դավիթ Տոնոյանը ԵՄ հատուկ ներկայացուցչին ներկայացրել է Արցախի ու Ադրբեջանի զինված ուժերի շփման գծում տիրող իրավիճակը
Դավիթ Տոնոյանն ու Եվրամիության բարձրաստիճան պատվիրակը անդրադարձել են նաեւ տարածաշրջանային անվտանգությանն առնչվող այլ հարցերի…
Կոնստանտին Զատուլինը պատասխանել է Ադրբեջանի հիստերիային
ԶԼՄ-ները, հասարակական կազմակերպությունները, պաշտոնյաները եւ խորհրդարանականները արդեն ավանդաբար սկսել են նրա կոշտ հետապնդումները՝ կանգ չառնելով նույնիսկ սպառնալիքների եւ ահաբեկումների առջեւ․․․
Ռուսաստանը ղարաբաղյան հակամարտության կողմերին միշտ կառուցողական մոտեցման կոչ է արել. Զախարովա
Ռուսաստանը կառուցողական մոտեցման կոչ է անում...
Ադրբեջանի ԱԳՆ ղեկավարը հիասթափված է Հայաստանի ԱԳՆ ղեկավարի հետ վերջին հանդիպումից
Մամեդյարովը հիասթափված է Մնացականյանի հետ հանդիպումից...
Ադրբեջանի ԱԳ նախարարը «չի մտաբերում» հայկական ազգանուններով ՌԴ քաղաքացիների մուտքը Բաքու արգելելու սկանդալներ
Նրանք պետք է նախապես տեղեկացնեն նվազագույնը մեր դեսպանությանը…
«Ադրբեջանը եւս մասնատվել է». Միքայել Մելքումյանի պատասխանը՝ ադրբեջանցի պատվիրակին Բելգրադում
Մ. Մելքումյանը նորից շեշտեց, որ այդ տարածքներում ապրել են հայեր, ապրում են եւ հավերժ ապրելու են, եւ որ այնտեղ ապրելու իրենց իրավունքը նրանք վաստակել են դեռեւս ապուպապերից, շատ հին ժամանակներից, իսկ ադրբեջանցիները…
Ամենաշատ
Ֆոտոռեպորտաժներ