![](img/news/52/29/89/default.jpg)
Հուլիսի 8-ին, ժամը 20-ին, ոստիկանության Երեւան քաղաքի վարչության եւ Արաբկիրի բաժնի քրեական հետախույզները համատեղ Կոմիտասի պողոտայից, թմրանյութ պահելու եւ օգտագործելու կասկածանքով, բերման են ենթարկել Ա. Խաչատրյան փողոցի բնակիչ, 52-ամյա մի տղամարդու:
Ոստիկանությունից NEWS.am-ին հայտնում են, որ նրա մոտ հայտնաբերվել է ներարկիչ՝ շագանակագույն, սուր հոտ ունեցող հեղուկով: Ըստ նրա՝ հայտնաբերվածը ափիոն տեսակի թմրամիջոց է, պատկանում է իրեն, եւ այն ձեռք է բերել այս տարվա մայիսին մահացած ընկերոջից:
Նշանակվել են փորձաքննություններ:
Նախապատրաստվում են նյութեր: