«Մարտի 1-ի» գործով մեղադրվող ՀՀ երկրորդ նախագահ Ռոբերտ Քոչարյանի կողմնակիցները Հայաստանում Ֆրանսիայի դեսպանատան առաջ բողոքի ակցիա անցկացրեցին, իսկ հետո նախատեսում են ուղեւորվել դեպի Իտալիայի դեսպանատուն: Նրանք հասցեագրել են դեսպանատներին նամակներ, որտեղ նշում են նախկին նախագահի իրավունքների խախտումների մասին:
Քոչարյանի կողմնակիցները սպասում են եվրոպական կառույցներից համապատասխան գնահատականին, այդ թվում դատական համակարգի վրա ճնշման մասով:
Հարկ է նշել, որ մինչ այդ Քոչարյանի կողմնակիցները նման ակցիա էին անցկացրել Հայաստանում Գերմանիայի դեսպանատան առաջ: