News
Լրահոս
News
Երկուշաբթի
Նոյեմբեր 29
Տեսնել լրահոսը

Կատալոնիայի խորհրդարանի շենքի մոտ հանրահավաքի մասնակիցները չորեքշաբթի, շրջանի Ազգային օրն այրել են  Իսպանիայի դրոշը, տեղեկացնում է ՏԱՍՍ-ը՝ հղում կատարելով El Periódico թերթին։

Մի քանի ժամ առաջ քաղաքում տեղի է ունեցել ցույց «Նպատակը՝ անկախություն» կարգախոսով, որին միացել է մոտ 600 հազար մարդ։ Ակցիայի ավարտից հետո Սյուտադել պուրակում, որտեղ գտնվում է ինքնավարության խորհրդարանը, հավաքվել է մոտ 300 մարդ։

Հանրահավաքի մասնակիցներն այրել են Իսպանիայի դրոշը, եւ մինչ շատերը վանկարկում էին ինքնավարության անկախության մասին կարգախոսներ, անհայտ անձինք՝ կապյուշոններով, փորձել են խորտակել ոստիկանական պատնեշները, նրանցից ոմանք ծխանռնակներ եւ բանկաներ են նետել իրավապահ մարմինների աշխատակիցների ուղղությամբ։ Առայժմ իրավապահները հավաքվածներին կոչ են անում ցրվել։

Բացի այդ, հայտնի է դարձել, որ Radio Nacional de España կորպորացիայի թղթակիցը եւ նկարահանող խումբը ենթարկվել են հարձակման Բարսելոնի իրադարձությունների լուսաբանման ժամանակ։ Լրագրողուհու ուղղությամբ քար են նետել, անհայտ անձինք խցիկի վրա ջուր են լցրել, իսկ խցիկի ձողը նետել են գետնին։ Ակցիայի ժամանակ տուժել է նաեւ Antena 3 հեռուստաալիքի երկու աշխատակից։

2017 թվականի հոկտեմբերի 1-ին Կատալոնիայում տեղի ունեցավ քվեարկություն թագավորության կազմից դուրս գալու վերաբերյալ, Մադրիդը սկզբից եւեթ հանրաքվեն անվանեց ոչ լեգիտիմ եւ հրաժարվեց ընդունել դրա արդյունքները։ Նույն թվականի հոկտեմբերի 27-ին Կատալոնիայի խորհրդարանը հաստատեց անկախ հանրապետության հռչակման բանաձեւը։ Ի պատասխան՝ երկրի իշխանությունները գործի դրեցին սահմանադրության 155-րդ հոդվածը, որը մինչ այդ երբեք չէր կիրառվել. այն թույլ տվեց սահմանափակել շրջանի ինքնավարությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կատալոնիան նորից խոսում է Իսպանիայից անկախության մասին
Իսպանիան վերսկսում է երկխոսությունը Կատալոնիայի հետ Մադրիդից շրջանի անկախացման հարցերի վերաբերյալ...
Իսպանիայում ներում է շնորհվել անջատողական հանրաքվեի համար դատապարտված կատալոնացի քաղաքական գործիչներին
Վարչապետ Պեդրո Սանչեսը հայտարարությամբ հանդես կգա «Նախարարների խորհրդի նիստից հետո, որը տեղի է ունեցել այսօր առավոտյան եւ որի ընթացքում հաստատվել է դատապարտված» քաղաքական գործիչների համաներումը...
Կատալոնիայի փոխվարչապետը չի բացառել դեպի անկախություն տանող միակողմանի ուղին
«Եթե պետությունը չի կարող դա անել համակարգված ձեւով կամ երկխոսության միջոցով, մենք ստիպված կլինենք դա անել այլ կերպ...
Եվրախորհրդարանը քվեարկել է Պուչդեմոնին անձեռնմխելիությունից զրկելու օգտին
Պուչդեմոնին պատգամավորական անձեռնմխելիությունից զրկելու օգտին է քվեարկել 400 պատգամավոր, 248-ը դեմ է հանդես եկել այս որոշմանը, 45 պատգամավոր ձեռնպահ է մնացել...
Իսպանիայի վարչապետը եւ Կատալոնիայի առաջնորդը պայմանավորվել են սկսել կառավարությունների միջեւ երկխոսությունը
«Եկել է առաջ շարժվելու ժամանակը: Իրավիճակը արագ չի փոխվի, խոսքը երկար տարիներ շարունակվող ճգնաժամաի մասին է»,- ասել է նա...
Իսպանիայի դատարանն ուժի մեջ է թողել Պուչդեմոնի կալանքի եվրոպական օրդերը
Դատավորը նաեւ հաստատել է Իսպանիայի տարածքում նրանց ձեռբակալելու մասին օրդերը եւ կոչ արել Բելգիայիմ հետաձգել քաղաքական գործիչներին արտահանձնելու մասին որոշման ընդունումը…