![](img/news/05/33/53/default.jpg)
Իրանի իշխանությունները ձերբակալել եւ հետաքննություն են սկսել դավաճանության մեղադրսնքով ֆիզիկոս-ատոմագետ Շահրամ Ամիրիի նկատմամբ: Գիտնականը հայտնի է դարձել 2010թ. հուլիսին, երբ ԱՄՆ-ից վերադարձավ Թեհրան` հայտարարելով, թե իրեն առեւանգել են ԿՀՎ-ի գործակալները:
Եթե դատարանն Ամիրիին մեղավոր ճանաչի, նրան մահապատիժ է սպառնում: Ամիրին աշխատում էր իրանական գիտական ինստիտուտներից մեկում, եւ անհետ կորել էր 2009 թվականին Մեքքա ուխտագնացության ժամանակ:
Թեհրանը հայտարարել էր, թե առեւանգման հետեւում սաուդյան եւ ամերիկյան հատուկ ծառայություններն են կանգնած:
Իրանում Ամիրիին դիմավորել էին որպես հերոսի, ով հրաժարվել է համագործակցել թշնամու հետ, սակայն ԱՄՆ իշխանությունները հայտարարեցին, որ նա ինքնակամ է մեկնել ԱՄՆ եւ որեւէ առեւանգում չի եղել: