Իրանը պատրաստել է անհրաժեշտ քայլեր միջուկային համաձայնագրի գծով իր պարտավորությունների կրճատման չորրորդ փուլի իրականացման համար։ Այս մասին ասել է ԻԻՀ ԱԳՆ պաշտոնական ներկայացուցիչ Աբաս Մուսավին, տեղեկացնում է Mehr-ը։
«Եվրոպացիները չկարողացան կատարել միջուկային համաձայնագրի իրենց պարտավորությունները՝ իրենց բոլոր որոշումները եւ միջոցները կապելով ԱՄՆ նախագահի հավանության հետ,- ասել է նա,- Իրանն ունի իր սեփական պլանը եւ սեփական կանխատեսումները, եւ եթե եվրոպացիները շարունակեն անգործությունը, Իրանը կձեռնարկի չորրորդ փուլը»։
Խոսելով Հորմուզի խաղաղ նախաձեռնության մասին՝ նա տեղեկացրել է, որ պլանի ամբողջական տարբերակը կներկայացվի Պարսից ծոցի պետություններին առաջիկայում։ «Նախաձեռնությունը կիրականացվի տարածաշրջանի երկրների մասնկացությամբ եւ ՄԱԿ հսկողության ներքո»,- ասել է Մուսավին։