News
Լրահոս
News
Շաբաթ
Սեպտեմբեր 19
USD
485.26
EUR
574.98
RUB
6.46
ME-USD
0.01
Տեսնել լրահոսը

Ես միշտ շնորհակալ եմ իմ երկրորդ հայրենիքին՝ Հայաստանին եւ հայ ազգին, որոնք ինձ հնարավորություն են տալիս պայքարել հանուն հայերի պատվի: Այս մասին, այսօր՝ հոկտեմբերի 11-ին, Ստեփանակերտում ընթացող «Համագործակցություն հանուն արդարության և խաղաղության» խորագրով Արցախի բարեկամների համաժողովի ժամանակ իր ելույթում նշեց Եվրոպական խորհրդարանի անդամ Էլենի Թեոխարուսը (Կիպրոս):

Նրա խոսքով, Արցախը հազարամյակներ պատկանում է հայերին, բնակեցված է հայերով. «Եթե նայում ենք հին հույն եւ հռոմեացի պատմիչներին, նրանք վկայում են այդ փաստը: Հատկապես Ստրաբոնը իր 5-րդ գրքում գրքում նշում է Արցախ անունը եւ նկարագրում այն հենց Արցախ անունով: Մարդու իրավունքը եւ միջազգային իրավունքը կիրառելի է այն պետությունների հանդեպ, որոնք կարող են այդ իրավունքները պարտադրել իրենց շահերից ելնելով: Դրա համար էլ իրենց շահերից բխում է, որ Արցախը դիտարկեն որպես վիճելի տարածք»,-ասաց նա:

Թեոխարուսը համեմատություն անցկացրեց Արցախի եւ Կիպրոսի խնդիրների միջեւ՝ նշելով. ««Մի բան է, երբ դու ներկայացնում ես այնպիսի գերտերություն, ինչպիսին ԱՄՆ-ն է կամ մեկ այլ գերտերություն, ինչպիսին Ռուսաստանն է, եւ մեկ այլ բան է, երբ դու ներկայացնում ես փոքր պետություն, որի մի մասը մինչ օրս օկուպացված է, ինչպիսին իմ հայրենիք Կիպրոսն է: Արցախում հակամարտությունն սկսվեց 1980-ականների վերջին, երբ Արցախում բնակվող հայերը ոտքի կանգնեցին հանուն իրենց ազատության, անկախության եւ ինքնորոշման, ու պահանջեցին վերամիավորում մայր հայրենիքի հետ: Ադրբեջանցիները Խորհրդային զորքերի աջակցությամբ աջակցեցին հայերի ջարդեր Սումգայիթում եւ Բաքվում: Նաեւ խորհրդային բանակը միջամտեց եւ փորձեց ադրբեջանցի միլիցիոներների օգնությամբ հայաթափել Արցախը, ինչպես դա ժամանակին արեցին Նախիջեւանում:

Հայերին պարտադրվեց դիմակայել մոջահեդներին եւ թալիբներին, որոնք եկել էին այստեղ որպես վարձկաններ: Այս տարիների ընթացքում Արցախը կարողացավ դառնալ կառուցվող պետություն, հասնել ճանաչված կարգավիճակի: Մենք գիտենք, որ այսօր Արցախը ճանաչված միջազգային կարգավիճակ չունի, բայց ստեղծել է ժողովրդավարական ինստիտուտներ, ժամանակակից կառավարման համակարգ, առողջապահական, կրթական, սոցիալական, տրանսպորտային ապահովության համակարգեր: Այստեղ մարդկանց կենսամակարդակն էապես բարելավվել է: Արցախի ժողովրդի ինքնորոշման իրավունքը ներկայացված է նաեւ ՄԱԿ-ի կանոնդարության առաջին գլխում: Եկել է ժամանակը, որ ՄԱԿ-ը, ԵՄ-ն եւ մյուս բարեկամ երկրները ճանաչեն Արցախը: Սա նաիվ մտածողություն չէ, ոչ էլ քաղաքականապես ոչ կոռեկտ մոտեցում: Ես ներկայացնում եմ սեփական փորձը, սեփական երկրի փորձը: Մենք ժամանակ չունենք եւ պետք է անցնենք նաեւ հանրաքվեի եւ ներկայացնենք մեր պատրաստակամությունը խաղաղ լուծում տալու եւ միաժամանակ պաշտպանել մեր իրավունքները մեր հողի վրա»:

Պետք է ապահովել անվտանգության եւ պաշտպանության միջավայր, վերացնել բոլոր սպառնալիքները, հաստատել մշտական խաղաղություն, հակադրվել ցանկացած ագրեսիայի դրսեւորման, ինչը համահունչ է միջազգային իրավունքի բոլոր սկզբունքներին: ԵՄ-ում շատերը Արցախը դիտարկում են որպես անջատողական շարժում, ինչն այդպես չէ: Արցախւ ժողովրդի պայքարը, ըստ էության, ստրուկների ապստամբություն էր իրենց ստրկացրած պետության դեմ»,- հայտարարեց նա:

Թեոխարուսը անդրադարձավ նաեւ Կիպրոսի խնդրին, նշելով, որ այն միշտ եղել է հունական տարածք. «16-րդ դարից մենք պայքարում ենք, որ միավորվենք Հունաստանի հետ: 1960-ին Հայաստանը դարձավ անկախ պետությունից, որից երեք տարի հետո Թուրքիան սկսեց մի նոր ագրեսիա, իսկ 1974-ին Թուրքիան գրավեց մեր հողերի 37 տոկոսը՝ բռնաբարելով եւ սպանելով անմեղ քաղաքացիական բնակչությանը: Ձեւավորվեց Հյուսիսային Կիպրոսի հանրապետությունը, որը ճանաչված է միայն Թուրքիայի կողմից:

Հյուսիսային Կիպրոսը ապօրինի ներխուժման արդյունք է, պատերազմական հանցագործություն, էթնիկ զտման արդյունք: Սա մի գործողություն է, որն արգելված է ՄԱԿ-ի կանոնադրությամբ: Ես հպարտ եմ, որ Աստված ինձ հնարավորություն է տվել տեսնել Արցախի պատերազմը հանուն ժողովրդի ազատության»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արցախի հարցում կարգավորման մոդել չունենալը վտանգավոր է, նշանակում է՝ միջնորդներից վատ առաջարկ ենք ստանալու. Քոչարյան
Բանակցությունները շարունակվելու են, չեմ կարծում, որ չեն շարունակվելու...
Մադրիդյան սկզբունքները միջազգային միակ փաստաթուղթն է, որը հաստատում է Ղարաբաղի հայերի ինքնորոշման իրավունքը. Քոչարյան
Ինչով էր դա մեզ համար չափազանց կարեւոր, որովհետեւ դա այն սկզբունքն է, որի վրա հիմնված է Լեռնային Ղարաբաղի Հանրապետության...
Միջնորդների վերաբերմունքում բեկում առաջացավ, երբ հասկացան, որ մենք Ղարաբաղը բեռ չենք համարում. Ռոբերտ Քոչարյան
Վճռականությունը բանակցային գործընթացքում, բանակի ուժեղացումը, տնտեսական հաջողությունները...
Ղարաբաղը գործընկերոջից դարձրել են Հայաստանի ենթակա, դա ծանրագույն վնաս է Ղարաբաղի անվտանգությանը. Քոչարյան
Այն ինստրուկցիան է, որտեղ պետք է կարմիր գույնով գրած լինի՝ մի՛ արա...
Ղարաբաղը բանակցային գործընթացից դուրս մնաց 1996թ. Լիսաբոնի գագաթաժողովից հետո. Ռոբերտ Քոչարյան
Հայաստանի եւ Ադրբեջանի նախագահների հանդիպումներն սկսել են 1991 թվականից...
Ստեփանակերտ. Անկարան եւ Բաքուն վտանգավոր սադրանք են նախապատրաստում
«Փաստացի այժմ տեղեկատվական հրետանային պատրաստություն է ընթանում...