News
Լրահոս
News
Չորեքշաբթի
Նոյեմբեր 20
USD
476.98
EUR
527.92
RUB
7.49
ME-USD
0.06
Տեսնել լրահոսը

Համաշխարհային առաջնորդները հանդես են եկել Facebook-ի թվային արժույթի դեմ՝ նախազգուշացնելով, որ այդ կրիպտոարժույթը ազգային ինքնիշխանության համար լուրջ սպառնալիք է ներկայացնում։

Գերմանիայի ֆինանսների նախարար Օլաֆ Շոլցն ասել է, որ ինքը «շատ թերահավատորեն է» վերաբերում Libra-ին։ «Ես այն բանի կողմնակից եմ, որպեսզի թույլ չտրվի նման գլոբալ արժույթի ստեղծումը, քանի որ դա ժողովրդավարական պետությունների պատասխանատվությունն է»,- ասել է նա։ Սակայն նա նաեւ խոստովանել է, որ անհրաժեշտ է բանկային բարեփոխումներ իրականացնել՝ տրանսազգային փոխանցումներն ավելի պարզեցնելու համար, հայտնում է DW-ը։

G20-ը նախազգուշացրել է, որ առանց պատշաճ նորմատիվ ակտերի՝ Facebook-ի թվային արժույթը կարող է փողերի լվացման եւ ահաբեկչության ֆինանսավորման հարթակ ստեղծել։

Եվրոպական պաշտոնյաները մտադիր են ամենախիստ սահմանափակումները կիրառել Facebook-ի կրիպտոարժույթի հանդեպ։ Նրանք հայտարարել են, որ ուզում են վետո դնել արժույթի վրա, որպեսզի «պաշտպանեն» ժողովրդավարական պետությունների ինքնավարությունը, եւ որ արժույթը նաեւ կարող է սպառնալ փոխարժեքային կուրսերի վերահսկմանը։ G7-ը եւ Եվրոպական կենտրոնական բանկը հայտարարել են, որ լայնամասշտաբ թողարկման դեպքում թվային արժույթը կարող է սպառնալ համաշխարհային արժութային համակարգին եւ ֆինանսական կայունությանը։

Ֆրանսիայի էկոնոմիկայի նախարար Բրունո Լե Մերը հայտարարել է, որ առաջիկայում Իտալիան, Գերմանիան եւ Ֆրանսիան քայլեր կձեռնարկեն, որպեսզի «հստակ ցույց տան, որ Libra-ն անցանկալի է Եվրոպայում»։

Նրա խոսքերով, Ֆրանսիան մասնավոր ընկերությանը թույլ չի տա «ունենալ այնպիսի փողային իշխանություն, ինչպիսին ունեն անկախ պետությունները»։

Իտալիայի ֆինանսների նախարար Ռոբերտո Գուալտյերին համաձայնել է դրա հետ՝ հայտարարելով, որ մասնավոր արժույթների արգելափակման հարցում երկրները «վճռական համաձայնության» են եկել։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Telegram-ը նորությունների ագրեգատի ստեղծման մրցույթ է հայտարարել
Մրցույթի այս փուլի հաղթողները կստանան 100 հազար ԱՄՆ դոլար եւ կանցնեն հաջորդ փուլ․․․
Facebook-ի եւ Instagram-ի աշխատանքում խափանում է տեղի ունեցել
Առավել հաճախ խափանումներից գանգատվում են ԱՄՆ, Մեծ Բրիտանիայի, Լեհաստանի, Պորտուգալիայի, Բրազիլիայի օգտատերերը…
Ոչ մի երկիր կամ ընկերություն 5G-ի մենաշնորհ չի ունենա
5G-ի մենաշնորհ ոչ ոք չի ունենա...
Google-ը մանիպուլացնում է որոնողական հարցումների արդյունքները. WSJ
Google-ը մանիպուլացնում է հարցումների արդյունքները՝ նախապատվությունը տալով խոշոր բիզնեսին...
15 տարվա աշխատանքի ընթացքում ալգորիթմները կվերացնեն մոտ 800 մլն աշխատատեղ
Աշխատատեղերի կորստի տեմպերը մեծանում են, առաջին հերթին ավտոմատացման վրա ծախսերի նվազման հաշվին․․․
Հակամենաշնորհային հետաքննությունը Google-ի հանդեպ տարածվել է Android-ի վրա
Հետաքննությունը կտարածվի նաեւ Android-ի վրա...