Իրանը ցանկանում է ԱՄՆ-ից 130 մլրդ դոլար բռնագանձել երկրում անկարգությունների պատճառով, հայտարարել է Իրանի դատական իշխանության պաշտոնական ներկայացուցիչ Գոլյամհոսեյն Էսմաիլին, փոխանցում է «ՌԻԱ Նովոստի»-ն:
Նրա խոսքով՝ հայցերն ու գանգատները ներկայացրել են Իրանի քաղաքացիները, որոնք «ԱՄՆ գործողություններից» ուղղակի վնաս են կրել:
«Այս պահին քննվել է ավելի քան 360 գործ եւ քաղաքացիների հայց ընդդեմ ԱՄՆ կառավարության»,- հայտնել է Էսմաիլին՝ նշելով, որ Իրանում դատարանը պահանջել է ԱՄՆ-ից բռնագանձել 130 մլրդ դոլար:
«Կառավարությունն ու ԱԳ նախարարությունը պետք է օգնեն ԱՄՆ կառավարության դեմ մեր քաղաքացիների օգտին այս որոշումների կատարմանը»,- Mizan գործակալությունը մեջբերել է նրա խոսքը: