Ամերիկյան գնորդներին ներգրավելու նպատակով MINI ընկերությունը դիտարկում է Clubman ունիվերսալի կառուցվածքի փոփոխության հնարավորությունը։ Բրիտանական ապրանքանիշը կարող է մոդելը վերածել ամենագնացի, հղում անելով MINI-ի գլխավոր դիզայներ Օլիվեր Հայլմերին հաղորդում է Autocar-ը։

MINI-ի ղեկավարությունն անհանգստացած է հյուսիսամերիկյան շուկայում վաճառքների նվազմամբ։ Ապրանքանիշի միակ քրոսովեր Countryman-ն ԱՄՆ-ում համարում են իր գնի համեմատ չափազանց թանկ, այդ իսկ պատճառով MINI-ն չի բացառում Clubman անվամբ լիարժեք ամենագնացի թողարկման հնարավորությունը։ Սակայն եթե Clubman-ն իսկապես ունենա ավելի մեծ չափսեր, ապա MINI-ն կստանա երկու իրար հետ մրցակցող մոդել, հաղորդում է Motor-ը։

Օլիվեր Հայլմերն ակնարկել է, որ ընկերությունում մտադիր են փոքրացնել երեք դռնանի MINI Cooper հեչբեքի չափսերը։ Միաժամանակ դիզայները դժգոհել է, որ էլեկտրիֆիկացիայի եւ անվտանգության ստանդարտների խստացման պայմաններում մոդելի չափսերի նվազեցումը հեշտ գործ չէ։ Բացի այդ, ոչ բյուջետային կոմպակտ ավտոմեքենաների համար դժվար է շուկայական պատուհան գտնելը։

Ներկայումս MINI մոդելների գամման կազմված է երեք եւ հինգ դռնանի Cooper հեչբեքից, Cabrio կաբրիոլետից, Clubman ունիվերսալից, Countryman եւ Paceman քրոսովերներից, ինչպես նաեւ John Cooper Works «լիցքավորված» շարքից։