Հայաստանի պաշտպանության նախկին նախարար Սեյրան Օհանյանն արտահայտվել է դատարանի դահլիճում տեղի ունեցած միջադեպի մասին։

Հիշեցնենք, որ նախկին նախարարն անցնում է 2008 թվականի մարտի 1-ի գործի առանձնացված վարույթով։ Անցած նիստի ժամանակ տուժած կողմի ներկայացուցիչը իրեն թույլ էր տվել հայտարարել. «Մարտի 1-ի մասին հարգանքով արտահայտվեք, այլապես ինքներդ կհայտնվեք…»: Արտահայտության երկրորդ մասը չհաջողվեց լսել: Պաշտպանության կողմը դա ընկալել էր որպես սպառնալիք։ Փաստաբան Միհրան Պողոսյանը հրաժարվել է մասնակցել նիստին՝ դատարանին տեղեկացնելով, որ չի մասնակցում, քանի որ դատարանն ի վիճակի չէ ապահովել կողմերի մրցակցությունը եւ թույլ է տալիս հնչեցնել վիրավորանքներ եւ սպառնալիքներ։ Դատավոր Աննա Դանիբեկյանը տեղեկացրեց, որ ուսումնասիրել է ձայնագրությունը եւ ոչ մի վիրավորական կամ սպառնալից բան չի գտել։ Իսկ եթե պաշտպանության կողմը այլ կերպ է մտածում, կարող է դիմել համապատասխան կառույցներ։

Լրագրողների հետ զրույցում իր կարծիքը հայտնելով՝ Սեյրան Օհանյանն ասաց, որ դատարանը պետք է հրապարակեր ձայնագրությունը։ «Առայժմ իմ փաստաբանը չի պատրաստվում հետեւել օրինակին»,- տեղեկացրեց նախկին նախարարը ճշգրտող հարցին ի պատասխան։ Բայց հարցին, թե համարում է արդյոք ինքը՝ Օհանյանը, դա վիրավորանք, նախկին նախարարը չպատասխանեց։