Լիբիայի ազգային բանակի հրամանատար, ֆելդմարշալ Խալիֆա Խաֆթարը կողմ է Լիբիայում հակամարտության ռազմական լուծմանը: Այս մասին հայտարարել է Թուրքիայի արտաքին գործերի նախարար Մեւլյութ Չավուշօղլուն NTV-ի եթերում, հաղորդում է ՏԱՍՍ-ը:
«Չնայած մեր բոլոր ջանքերին՝ Խաֆթարը Մոսկվայում չստորագրեց հրադադարի ռեժիմի մասին համաձայնագիրը: Այն փաստը, որ Խաֆթարի կողմից որեւէ աջակցություն չի եղել Բեռլինում Լիբիայի հարցով միջազգային համաժողովին, եւս հարցեր է առաջացնում: Այսօր նրա դիրքորոշումը ցույց է տալիս, որ նա ռազմական լուծում է ցանկանում: Խաֆթարը պետք է քաղաքական կարգավորման անցնի: Մեր բոլոր ջանքերն ուղղված են դրան»,- ասել է նա:
