News
Լրահոս
News
Կիրակի
Ապրիլ 05
USD
502.97
EUR
543.86
RUB
6.56
ME-USD
0.03
Տեսնել լրահոսը

Կլիմայական փախստականներին չի կարելի զրկել ապաստանի իրավունքից, եթե նրանց կյանքը վտանգի մեջ է, որոշել է ՄԱԿ մարդու իրավունքների հանձնաժողովը, որն առաջին անգամ կլիմայական պատճառներով ապաստան փնտրողի հայց է ուսումնասիրել։ Հանձնաժողովի որոշումը պատմական է, հայտարարել է ՄԱԿ մարդու իրավունքների հարցերով գլխավոր հանձնակատարը, հայտնում է DW-ը։

Այդ որոշումը դռներ է բացում գլոբալ տաքացման հետ կապված ապաստան տրամադրելու միջնորդության համար։ «Երկրները չեն կարող արտաքսել մարդկանց, որոնք բախվում են կլիմայի փոփոխությամբ առաջացած եւ կյանքի իրավունքը խախտող հանգամանքների հետ»,- ասվում, է հայտարարության մեջ։

Տվյալ դեպքում խոսքը Կիրիբատի կղզի-պետության բնակիչ Իոանե Տեյտիոտայի մասին է։ 2015թ․ նա կնոջ եւ երեխաների հետ Նոր Զելանդիայում ապաստան ստանալու հայց էր ներկայացրել եւ մերժվել էր։ Դրանից հետո նա բողոքով ՄԱԿ էր դիմել։ Ընդ որում, Տեյտիոտան նշել է, որ օվկիանոսի աճող մակարդակը Կիրիբատի կղզին կյանքի համար անպետք է դարձնում։ Ամեն ինչի հետ մեկտեղ, կրճատվում են գյուղատնտեսական տարածքները, իսկ խմելու ջրի պաշարները ավելի ու ավելի են աղտոտվում ծովի ջրից։

ՄԱԿ հանձնաժողովի կարծիքով՝ Կիրիբատիի իշխանությունները պաշտպանական բավարար մեխանիզմներ են ստեղծել բնակչության համար։ Միաժամանակ, երրորդ երկրների իշխանությունները իրավունք չունեն արտաքսել ապաստան խնդրողներին, թե կլիմայական պայմանների հետեւանքով ստեղծված իրավիճակը նրանց հայրենիքում կյանքը սպառնալիքի տակ է դնում, նշվում է եզրափակիչ մասում։

ՄԱԿ-ի տվյալներով՝ մոտ 280 մլն մարդ ստիպված կլինի արտագաղթել գլոբալ տաքացման հետեւանքով։ Զեկույցի հեղնակները նշում են, որ 19-րդ դարից սկսած՝ համաշխարհային միջին ջերմաստիճանը բարձրացել է 1 աստիճանով՝ ըստ Ցելսիուսի, եւ շարունակում է սրընթաց աճել։Փորձագետների կարծիքով՝ այն 21-րդ դարի վերջին կբարձրանա 2-3 աստիճանով, եթե ածխաթթու գազի արտանետումների քանակը մնա այժմյան մակարդակի վրա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Շուրջ 70 երկիր է միացել ամբողջ աշխարհում մարտական գործողությունները դադարեցնելու մասին ՄԱԿ-ի Գլխավոր քարտուղարի կոչին
Կոչը սատարում են էլ ավելի մեծ թվով երկրներ՝ ներկայում շուրջ 70 երկիր, ինչպես նաեւ կրոնական գործընկերներ, հասարակական կազմակերպություններ․․․
Լիբանանը Սիրիայի ուղղությամբ Իսրայելի հրթիռային հարվածներից հետո բողոք է ուղարկել ՄԱԿ-ի ԱԽ
Իսրայելցի զինվորականները չեն մեկնաբանել հրթիռային հարվածների հասցման մասին հաղորդագրությունները. ..
Ժնեւում ՄԱԿ-ի 9 աշխատակից վարակվել է կորոնավիրուսով. China.org
Ամբողջ աշխարհում կորոնավիրուսով վարակվել է ՄԱԿ-ի 78 աշխատակից...
ՌԴ-ն, ՉԺՀ-ն եւ եւս 6 երկիր Գուտերիշին խնդրել է պատժամիջոցները չեղարկելու կոչ անել. RG
«Մենք հարգանքով կոչ ենք անում Ձեզ պահանջել անօրինական եւ անհիմն տնտեսական ճնշումների անհապաղ եւ լրիվ չեղարկում, որպեսզի մենք կարողանանք արդյունավետ պայքարել կորոնավիրուսի դեմ»,- ասվում է նամակում...
ԱՆտոնիո Գուտերիշը G20-ի երկրների առաջնորդներին կոչ է արել «պատերազմական ժամանակների» պլան ընդունել
G20-ի առաջնորդներին ուղղված նամակում նա հայտարարել է, որ նրանց բաժին է ընկնում համաշխարհային ՀՆԱ-ի 85 տոկոսը․․․
ՄԱԿ-ը համաշխարհային հիմնադրամ կստեղծի կորոնավիրուսի դեմ պայքարի համար
Հիմնադրամի նպատակն է օգնել թույլ առողջական համակարգ ունեցող զարգացող երկրներին հաղթահարել ճգնաժամը եւ համաճարակի երկարատեւ ազդեցությունը...
Ամենաշատ
Ֆոտոռեպորտաժներ