News
Լրահոս
News
Երկուշաբթի
Փետրվար 24
USD
478.42
EUR
517.55
RUB
7.43
ME-USD
0.05
Տեսնել լրահոսը

Փարիզը մտադիր է անհրաժեշտ բոլոր ջանքերը ներդնել կարգավորելու համար Լիբանանի քաղաքական իրավիճակը: Այս մասին չորեքշաբթի Երուսաղեմում հայտարարել է այցով Իսրայելում գտնվող Ֆրանսիայի նախագահ Էմանուել Մակրոնը: Նա բանակցություններ է անցկացրել Իսրայելի վարչապետի պաշտոնակատար Բենիամին Նեթանյահուի եւ երկրի նախագահ Ռեուվեն Ռիվլինի հետ: Մամուլի ասուլիսում Մակրոնի ելույթի հեռարձակումը կատարվել է Ելիսեյան պալատի Twitter-յան էջում, փոխանցում է ՏԱՍՍ-ը:

«Ֆրանսիան իր կողմից հնարավոր ամեն ինչ կանի՝ Լիբանանի քաղաքացիներին օգնելու համար ներկայիս խոր ճգնաժամի իրավիճակում, որով անցնում է այս երկիրը»,- ասել է Մակրոնը: Նա նշել է, որ Ֆրանսիան Լիբանանին վերաբերվում է «բարեկամաբար» եւ «բարյացակամությամբ», որն «իսկապես թանկ է իր համար»:

Միաժամանակ, Մակրոնը շեշտել է, որ «անհրաժեշտ է աչալուրջ լինել ահաբեկչական գործունեության ցանկացած ձեւի հանդեպ, որը կարող է վարվել այս երկրից եւ սպառնալիք ներկայացնել Իսրայելի անվտանգությանը, եւ միաժամանակ սպառնալիք է կրում լիբանանցիների համատեղ գոյակցությանը»:

Լիբանանի նախագահ Միշել Աունը անցյալ տարվա դեկտեմբերի 19-ին անկախ սուննի քաղաքական գործիչ Հասան Դիաբին հանձնարարել էր երկրի նոր կառավորություն ձեւավորել այն բանից հետո, երբ զանգվածային ցույցերի ֆոնին հոկտեմբերի 29-ին հրաժարական էր ներկայացրել Սաադ Հարիրիի կոալիցիոն կառավարությունը: Նոր վարչապետը խոստացել էր մշակել «Լիբանանի փրկության բարեփոխումների իրատեսական ծրագիր» եւ հայտնել էր, որ համաձայն է ժողովրդական բողոքի շարժման պահանջներին, որը, նրա խոսքով, «քաղաքական կյանքին ճիշտ ուղղություն կտար»:

Լիբանանի նախագահը հունվարի 21-ին հաստատել էր երկրի նոր կառավարության կազմը՝ վարչապետ Դիաբի գլխավորությամբ: Կառավարությունը, որը պետք է Լիբանանը հանի սուր տնտեսական եւ ֆինանսական ճգնաժամից, բաղկացած է 20 տեխնոկրատ նախարարներից, որոնք ներկայացնում են երկրի քրիստոնեական եւ մուսուլմանական համայնքները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եմենում պայթեցրել են երկրի պաշտպանության նախարարի մեքենան
զոհվել է 4 մարդ...
ՆԱՏՕ-ի առաքելությունն Իրաքում կմնա միայն այդ երկրի իշխանությունների համաձայնությամբ. Ստոլտենբերգ
ՆԱՏՕ-ն այդ երկրի կառավարության հետ բանակցություններ է վարում իր առաքելության ապագայի շուրջ…
ԱՄՆ-ն Թուրքիային եւ Ռուսաստանին դժգոհություն է հայտնել Իդլիբում տիրող իրավիճակի կապակցությամբ
«Մենք ռուսներին ասել ենք, որ դա մեզ դուր չի գալիս, մենք թուրքերին ասել ենք, որ մեզ դա դուր չի գալիս:
Բեյրութում ավելի քան 170 մարդ է տուժել ոստիկանների եւ ցուցարարների բախումների ժամանակ
Նրանցից 24-ին տեղափոխել են հիվանդանոցներ, մնացյալին օգնություն է ցուցաբերվել տեղում…
ԱՄՆ-ն հերքել է Իրաքից զորքերը դուրս բերելու մասին տեղեկությունը
Տեղեկությունը, որ ԱՄՆ-ն սկսել է Իրաքի տարածքում գտնվող 15 ռազմաբազաներից իր զորքերը դուրս բերել, իրականությանը չի համապատասխանում…
Բեյրութի կենտրոնում ոստիկանությունը ջրցան մեքենաներ է կիրառել ցուցարարների դեմ
Ցուցարարների խումբը փորձ է ներխուժել Պլյաս Էթուալի վրա գտնվող Խորհրդարանի շենք...
Ամենաշատ