Falcon 9 հրթիռ-կրիչի թռիչքը մեկնարկել է ամերիկյան Ֆլորիդա նահանգում՝ Starlink ինտերնետ-արբանյակների խմբի հետ, SpaceX ընկերությունն ուղիղ հեռարձակում է իրականացնում, հայտնում է ՌԻԱ Նովոստին։
Հրթիռի արձակումը տեղի է ունեցել 09։06՝ Կանավերալ հրվանդանի տիեզերակայանից։ Հրթիռը ուղեծիր է տանում 60 Starlink արբանյակներ, որոնք Երկրի բնակիչներին կապահովեն ինտերնետ-կապով։
Արձակման ընթացքում ընկերությունը ավանդաբար վայրէջք է կատարում հրթիռ-կրիչի առաջին աստիճանին։
Starlink-ը հաջորդ սերնդի արբանյակային ցանց է, որն ունակ է Երկրի բնասկիչներին ապահովել ինտերնետի լայնաշերտ հասանելիությամբ, մասնավորապես այնտեղ, որտեղ անհասանելի է լարային ինտերնետը։ Նախագծի իրականացումը սկսվել է 2018թ․ փետրվարին։ Մինչ այժմ ընկերությունը ուղեծիր է հանել ավելի քան 200 Starlink արբանյակ։ Ծրագրվում է արձակել մոտ 12 000 արբանյակ։ Լրացուցիչ 30 000 արբանյակ նախատեսվում է հանել 328-580 կիլոմետր բարձրությամբ ուղեծրեր։ SpaceX-ը նախագծի իրականացման ծախսերը 10 միլիարդ դոլար է գնահատել, սակայն փորձագետները կարծում են, որ այդ թիվը նվազեցված է։