Մարոկկոյի ՆԳՆ-ն հայտարարել է, որ վնասազերծել է Իսլամական պետություն ահաբեկչական խմբավորման բջիջներից մեկին եւ ձերբակալել դրա անդամներին, որոնք երկրում ահաբեկչություններ էին ծրագրում, հաղորդում է ՌԻԱ Նովոստին:
«Հաջողվել է վնասազերծել 18-59 տարեկան 6 անդամից բաղկացած ահաբեկչական բջիջներից մեկին: Նրանք գործել են Կասաբլանկա, Մոհամադիա եւ Ազիլալ քաղաքներում »,- ասվում է գերատեսչության հայտարարության մեջ:
Ըստ տեղեկությունների՝ այդ խմբի անդամները ֆինանսավորում են ստացել ԻՊ-ից, որը ահաբեկչություններ է ծրագրել Մարոկկոյում եւ ձգտել է «երկրում ԻՊ էմիրություն ստեղծել»:
2019-ին Մարոկկոյի ուժայինները վնասազերծել են նման 14 բջիջների: