News
Լրահոս
News
Երեքշաբթի
Մարտ 19
Տեսնել լրահոսը

Մոսկվան ցավակցում է Անկարային՝ Սիրիայում թուրք զինվորականների մահվան կապակցությամբ: Այս մասին հայտարարել է ՌԴ ԱԳՆ ղեկավար Սերգեյ Լավրովը, հաղորդում է ՌԻԱ Նովոստին:

«Մենք ցավակցում ենք, եւս մեկ անգամ կրկնեմ, որ մենք անում ենք ամեն ինչ թուրք զինվորականների անվտանգության համար, որոնք ապահովում են Իդլիբում ապաէսկալացիայի ռեժիմը: Եվ մեր զինվորականները պատրաստ են շարունակել այդ աշխատանքը»,- ասել է նա:

Նրա խոսքով՝ Իդլիբի ապաէսկալացիայի գոտում խնդիրն այն է, թե ինչպես են գործանակում իրականացվում Մոսկվայի եւ Անկարայի միջեւ համաձայնությունները: «Մեր զինվորականների միջեւ համաձայնություններ կան, եթե այդ համաձայնությունները հստակ իրականացվեն, նման ողբերգություններից հնարավոր կլինի խուսափել»,- ասել է Լավրովը:  

Նա նշել է, որ կարեւոր է միավորել ջանքերը: «Կցանկանայի աջակցել Լյուքսեմբուրգի ԱԳՆ ղեկավարի այն հայտարարությանը, որ անհրաժեշտ է միավորել բոլոր արտաքին խաղացողների ջանքերը, համագործակցել լարվածությունը նվազեցնելու համար: Կարեւոր է համագործակցության անհրաժեշտության ըմբռնումը: Մեր արեւմտյան գործընկերները պետք է ղեկավարվեն այս կամ այն կոնֆլիկտում ներգրավված բոլոր խաղացողների, այլ ոչ թե սեփական աշխարհաքաղաքական շահերով»,- ասել է Լավրովը Լյուքսեմբուրգի ԱԳՆ ղեկավարի հետ հանդիպումից հետո:

Լավրովը նշել է, որ սիրական բանակն իրավունք ունի պայքարել Իդլիբում ահաբեկիչների դեմ, «Մոսկվան դա չի կարող արգելել»: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենաշատ