Իմ պատկերացմամբ համայնքների խոշորացումը սխալ է, որովհետեւ պատկերացրեք, գյուղը 50 կմ հեռու է, մի հատ թղթի համար, մի հատ դիմումի համար գնալը մեծ պրոբլեմ է լինելու: Այս մասին այսօր՝ ԱԺ-ում լրագրողների հետ զրույցում նշեց ԲՀԿ առաջնորդ Գագիկ Ծառուկյանը:
Նրա խոսքով, գյուղը պահպանելու վրա մեծ ուշադրություն պետք է դարձնել. «Ժողովրդին կերակրողը գյուղացին է, գյուղն է, սահման պահողը գյուղն է: Եթե գյուղացին այդ տարածքները թողեց գնաց, դու չես կարող մարդ տանել, բնակեցնել այնտեղ: Դրա համար այդ գոտիներում մարդկանց պետք է դոտացիաներ տրվեն, ինչ անհրաժեշտ է՝ սարքվի, որ մարդիկ իմանան գոնե, թե ինչի են սահմանի վրա ապրում»,-ասաց Ծառուկյանը:
