Ադրբեջանում մարտի 9-ին երեկոյան հաղորդվել է կորոնավիրուսով վարակման 2 նոր դեպքի մասին, հայտնում է Turan-ը:
Վարակվածները 1966 եւ 1978 թվականներին ծնված Ադրբեջանի քաղաքացիներ են, որոնք վերադարձել են Իրանից:
Պացիենտները գտնվում են հիվանդանոցում եւ պահվում են հատուկ ռեժիմի տակ: Նրանց վիճակը գնահատվում է կայուն:
Այդպիսով, Ադրբեջանում կորոնավիրուսով վարակվածների թիվը հասել է 11-ի:
Վարակվածներից մեկի՝ 1938 թվականին ծնված քաղաքացու վիճակը մնում է կայուն ծանր:
Մարտի 6-ին հաղորդվել է, որ Ադրբեջանում կարանտինի մեջ է գտնվում մոտ 500 մարդ:
