Բելառուսում հաստատվել է նոր տեսակի կորոնավիրուսով վարակման 3 նոր դեպք, երկրում COVID-19 հիվանդության դեպքերի ընդհանուր թիվը հասել է 9-ի, երեքշաբթի հայտնել է երկրի առողջապահության նախարարության մամուլի ծառայությունը:
«Ինչ վերաբերում է 3 պացիենտին, որոնք դասվում է I մակարդակի շփումներին, Իտալիայից վերադարձած պացիենտներին, որոնց մոտ հանգստյան օրերին 3 դրական թեստ էր ստացվել, ապա այսօրվա դրությամբ կորոնավիրուսի ՌՆԹ առկայության ստուգման անալիզների արդյունքները հաստատվել են»,- նշված է առողջապահության նախարարության հաղորդագրության մեջ:
Միաժամանակ, գերատեսչությունից նշել են, որ «կորոնավիրուսային ինֆեկցիայից բուժվածների թիվը աճել է՝ հասնելով 3 մարդու»:
Ավելի վաղ Բելառուսում գրանցվել էր նոր վիրուսով վարակման 6 դեպք, եւս երեք մարդ կասկածվում էին. առաջին թեստերը ցույց են տվել, որ նրանց մոտ կորոնավիրուսի դրական արդյունք կա: Ընդ որում՝ առողջապահության նախարարությունն ավելի վաղ հայտնել էր առաջին պացիենտի առողջանալու մասին, որի մոտ այդ վիրուսը հայտնաբերվել էր, սակայն նա մնացել է բժիշկների հսկողության ներքո: