Գվատեմալայում գրանցվել է նոր կորոնավիրուսից մահվան առաջին դեպքը: Այս մասին կիրակի հայտարարել էր երկրի առողջապահության նախարար Ուգո Մոնրոյը, փոխանցում է ՏԱՍՍ-ը: «Հիվանդը 85 տարեկան էր», - ասել է նա Facebook-ով հեռարձակվող մամուլի ասուլիսին:
Նախարարի խոսքով` հիվանդ տղամարդը Իսպանիայից Գվատեմալա էր ժամանել մարտի 6-ին: Նա կարանտինում էր գտնվում տանը, իսկ շաբաթ օրը հայտնված ախտանիշների պատճառով դիմել էր բժիշկներին: Կիրակի օրը տղամարդը մահացել էր:
Գվատեմալայի իշխանությունները կորոնավիրուսով վարակման առաջին հաստատված դեպքի մասին հայտնել էին մարտի 13-ին: Մինչ օրս գրանցվել էր երկու դեպք, որոնցից մեկը մահացած տղամարդն է: