Ես որոշեցի հրաժարվել ընտրողների հետ զանգվածային հանդիպումներից: Այս մասին հայտարարություն է տարածել Արցախի նախագահի թեկնածու Վիտալի բալասանյանը:
Հայտարարությունում մասնավորապես, նշել է. «Կորոնավիրուսի տարածումը Հայաստանում մարտահրավեր է Արցախի համար:
Մեր համաքաղաքացիների առողջության եւ կյանքի պահպանումը առաջնային խնդիր է, ազգային անվտանգության հարց:
Ես որոշեցի հրաժարվել ընտրողների հետ զանգվածային հանդիպումներից: Ստեփանակերտում այսօրվա հանդիպումը, որին արդեն հրավիրվել են մարդիկ, տեղի կունենա, բայց կլինի վերջին զանգվածային հանդիպումը: Այն տեղի է ունենալու ոչ թե դպրոցի տարածքում, այլ հարակից փողոցում: Եթե դուք պատրաստվում եք գալ՝ տաք հագնվեք, եղանակը ցուրտ է:
Վաղվանից՝ մարտի 18-ից, մենք ամբողջությամբ կտեղափոխվենք առցանց հեռարձակում:
Մենք ձեզ հետ կապի մեջ ենք մնալու համացանցի, լրատվամիջոցների միջոցով, ինչպես նաեւ բաժանելու ենք թռուցիկներ՝ ընթացիկ իրավիճակի գնահատականով:
Անցել է երկու օր, իմ պաշտոնապես դիմումից Բակո Սահակյանին՝ վերլուծելով սպառնալիքի լրջությունը եւ անվտանգության միջոցառումների եւ կանխարգելման ուժեղացնելուն ուղղված կոչով, սակայն մինչ այս պահը ես չեմ տեսնում աշխատանքների ակնհայտ արդյունքները: Մարդիկ փողոցներում քայլում են առանց դիմակների, ԱՀԿ առաջարկությունների տարածումը համակարգային չէ, վարակի համար քննությունը հանձնելու հրահանգներ չկան: Մենք չգիտենք՝ ունենք արդյոք վարակվածներ, թե՝ ոչ: Մենք նույնիսկ չգիտենք, թե արդյոք մենք հնարավորություն ունենք ստուգվել, թե՝ ոչ:
Բայց ես երաշխավորում եմ, որ բոլոր ջանքերը կգործադրեմ քաղաքացիներին տեղեկացնելու անվտանգության առաջնային միջոցառումների մասին:
