ԱՄՆ-ում կորոնավիրուսից 34-ամյա հայ է մահացել, հաղորդում է Asbarez-ը:

34-ամյա Ջեֆրի Ղազարյանը դարձել է Լոս Անջելեսում երկրորդ մարդը, որը մահացել է կորոնավիրուսից:

Մահացածի ընտանիքը TMZ-ին հայտնել է, որ Ջեֆրին մարտի 2-ին մեկնել է Օռլանդո՝ մասնակցելու համաժողովի, որից հետո մնացել է այնտեղ, որպեսզի ընկերների հետ Դիսնեյլենդ այցելի:

Մարտի 7-ին նրա մոտ հազ է սկսվել: Հաջորդ օրը հազի հետ արյուն է եկել, և տղամարդը դիմել է հիվանդանոց, որտեղ նրա մոտ թոքաբորբ են ախտորոշել: Մարտի 14-ին նա կորոնավիրուսի թեստ է հանձնել, որը դրական արդյունք է ցույց տվել: Նրան տեղափոխել են հիվանդանոց, սակայն մարտի 19-ի առավոտյան հաղորդվել է, որ Ղազարյանը մահացել է:  

Ըստ նրա ընտանիքի նա մանկության տարիներին աստմա եւ հաճախակի բրոնխիտ է ունեցել։ Նա նաեւ 2016 թվականին ենթարկվել է ամորձու քաղցկեղի վիրահատության։