News
Լրահոս
News
Ուրբաթ
Մարտ 31
USD
388.3
EUR
422.39
RUB
5.03
Տեսնել լրահոսը

«Ժողովուրդ» թերթը գրում է․ «Ազգային ժողովը երեկ ի վերջո երկրորդ ընթերցմամբ եւ ամբողջությամբ ընդունեց ՀՀ քրեական եւ վարչական իրավախախտումների մասին օրենսգրքերում փոփոխություններ կատարելու նախագիծը: Այն խորհրդարանում առաջին ընթերցմամբ քննարկվել է դեռ մարտի 20-ին, սակայն դրանից հետո փոփոխություններ են կատարվել, նոր առաջարկներ ընդունվել եւ նախագծի վերջնական տարբերակն ընդունվեց երեկ:

Եվ հայտարարված արտակարգ դրության ընթացքում մեկուսացման կամ ինքնամեկուսացման կանոնները կամ ազատ տեղաշարժման իրավունքի սահմանափակումները խախտելը, որն անզգուշությամբ առաջացրել է անձի վարակում, ապա այս խախտումը ենթադրում է պատիժ տուգանքով` նվազագույն աշխատավարձի 300-500-ապատիկի չափով կամ կալանքով` առավելագույնը 1 ամիս ժամկետով, որոշակի պաշտոնի զբաղեցումը կամ գործունեությամբ զբաղվելը կասեցնելով առավելագույնը 2 տարի ժամկետով»:

Մեկուսացման եւ ինքնամեկուսացման կանոններից բացի սահմանվեցին նաեւ կանոններ ԶԼՄ-ների համար: Եվ ամրագրվել է լրատվական գործունեություն իրականացնողի կողմից արտակարգ դրության ընթացքում սահմանված տեղեկությունների հրապարակման եւ տարածման կանոնները խախտելու հանգամանք:

Ըստ այդմ, լրատվական գործունեություն իրականացնողները կենթարկվեն վարչական տույժի, եթե արտակարգ դրության ընթացքում խախտեն տեղեկությունների հրապարակման սահմանափակումները: Եթե նախատեսված տույժին ենթարկված տեղեկատվությունը մեկօրյա ժամկետում չհեռացվի, ապա եւս մեկ անգամ տուգանք կնշանակվի՝ նվազագույն աշխատավարձի 500-ապատիկից 1000-ապատիկի չափով։

Սակայն նկատենք, որ բացի Հայաստանից միայն Հոնդուրասն ու Ռումինիան են, որոնք նոր կորոնավիրուսով պայմանավորված համաճարակի դեմ պայքարի շրջանակներում՝ արտակարգ դրության իրավական ռեժիմով սահմանափակել են խոսքի ազատությունը։

«Ժողովուրդ» օրաթերթն ուսումնասիրել է մի քանի երկրների փորձը: Եվ այդ երկրների մեծ մասում արտակարգ իրավիճակի մասին որոշումները կարգավորվում են հրամաններով, որոշումներով եւ տարբեր իրավական ակտերով։ Եվ միայն Ռումինիայի եւ Հոնդուրասի արտակարգ դրության մասին որոշումներն են, որ ներառում են գրաքննության մասին կետ:

Իհարկե, մեծ թվով երկրներ են առկա, որտեղ արտակարգ դրություն է հայտարարվել, սակայն գրաքննությունը բացակայում է: Օրինակ առանց որեւէ գրաքննության արտակարգ դրություն է հայտարարվել ԱՄՆ-ում, Իտալիայում, Իսպանիայում, Ղազախստանում, Բուլղարիայում, Հունգարիայում, Չեխիայում, Սլովակիայում, Սերբիայում ու Մակեդոնիայում:

Եվ օրինակ ուշագրավ է, որ Պորտուգալիայի դեպքում անգամ հատուկ որոշմամբ ամրագրված է, որ արտակարգ դրության ժամանակ անթույլատրելի է խոսքի ազատության սահմանափակումը»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Չինաստանում Բայդենի COVID-19-ի վերաբերյալ օրենքը անվանում են քաղաքական մանիպուլյացիա
Չինաստանի հետ կապված օրինագծի բովանդակությունը խեղաթյուրում է փաստերը։․․․
Բացահայտվել են գումարի դիմաց կորոնավիրուսի դեմ պատվաստված լինելը հավաստող կեղծ սերտիֆիկատներ տրամադրելու դեպքեր
Մասնավորապես` պարզվել է, որ Ա. Ջ.-ն, չցանկանալով կորոնավիրուսային հիվանդության դեմ…
ԱՀԿ-ն կոչ է անում Չինաստանին հրապարակել COVID-19 համավարակի առաջացման վերաբերյալ բոլոր առկա տեղեկությունները
ԱՀԿ-ի ներկայացուցիչներն ասում են, որ նման տեղեկատվությունը կարեւոր օղակ է COVID-ի ծագման հետաքննության մեջ եւ պետք է անհապաղ տրամադրվեր․․․
Չեմ կարծում՝ կովիդի գործով կալանավորվածները կխոչընդոտեին քննությանը․ Անահիտ Ավանեսյան
Ավանեսյանի խոսքով՝ ինքը պատրաստ կլինի գնալ հարցաքննության, եթե հրավիրվի հարցաքննության․․․
Կորոնավիրուսի ժամանակ ենթադրյալ չարաշահումների գործով կալանավորվել է «Մեդլայն Կլինիկ» –ի փոխտնօրենը
«Մեդլայն Կլինիկ» ՍՊԸ-ի փոխտնօրեն Լիլիա Հակոբյանը կորոնավիրուսի ժամանակ եղել է հիվանդանոցի ավագ բուժքույրը...
Կորոնավիրուսի տարածման շրջանում չարաշահումների գործով անցնող 8 բուժաշխատող ազատ է արձակվել
Այդ բուժաշխատողները «Մեդլայն» բժշկական կենտրոնի…
Ամենաշատ