Մալայզիայի թագավոր Աբդուլլահ Ռիյաթուդին Ալ Մուսթաֆան եւ թագուհի Ազիզա Ամինա Մայմունա Իսկանդերիան կարանտինի մեջ են եւ COVID-19 կրոնովիրուսային թեստավորում են անցել այն բանից հետո, երբ վիրուս է հայտնաբերվել 7 պալատականների եւ թագավորական պալատի աշխատակիցների մոտ, հայտնում է The Star պարբերականի էլեկտրոնային տարբերակը՝ վկայակոչելով Թագավորական պալատի բյուրոյի հայտարարությունը:
«Նորին մեծությունների թեստերը բացասական են եղել, սակայն նորին մեծությունները ստիպված են 14-օրյա կարանտինի հետեւել, որը սկսվել է երեկ»,- նշված է Բյուրոյի հայտարարության մեջ, որով հանդես է եկել պալատի գլխավոր տեսուչ Ահմադ Ֆադիկ Շամսուդինը:
Երկրի առողջապահության նախարարության տվյալներով՝ ներկայումս Մալայզիայում համաճարակի սկզբից ի վեր հիվանդացածների ընդհանուր թիվը կազմում է 1 796, 21 մարդ մահացել է, 199-ը՝ առողջացել:
Վարակումների մեծ մասը կապված է մուսուլմանական զանգվածային կրոնական միջոցառման հետ, որն անցկացվել է փետրվարի 27-ից մարտի 3-ը Կուալա Լումպուրի մզկիթներից մեկում, որին մասնակցել է 16 հազարից ավելի մարդ:
