Հայաստանում թույլատրված տնտեսական գործունեության ցանկն ընդլայնվել է: Այդ մասին մարտի 27-ին լրագրողների հետ զրույցում հայտարարել է Հայաստանի էկոնոմիկայի փոխնախարար Վարոս Սիմոնյանը:
«Թույլատրված տնտեսական գործունեության նոր տեսակներին է վերաբերում.
-ավտոմեքենաների տեխնիկական սպասարկումն ու նորոգումը,
-ավտոպահեստամասերի, աքսեսուարների, մոտոցիկլետների համար պահեստամասերի ու աքսեսուարների մանրածախ վաճառքը,
-կենդանիների համար կերերի մանրածախ վաճառքը, ինչպես նաեւ բույսերի եւ ծաղիկների վաճառքը,
-նամականիշերի, կտրոնների, ինտելեկտուալ քարտերի եւ այլ արժեթղթերի տպագրությունը»,-նշել է նա:
Փոխնախարարը հավելել է, որ գրենական խանութների գործունեությունը չի արգելվել պարետի դեռեւս նախորդ որոշմամբ:
«Էլեկտրամատակարարման եւ ջրամատակարարման ոլորտում գործունեությունը հնարավորինս իրականացվում է աշխատակիցների փոքր կազմով»,-ընդգծել է Վարոս Սիմոնյանը՝ հավելելով, որ նշված բոլոր փոփոխություններն ուժի մեջ են մտել 14:00-ից:
