Ֆրանսիայում երկու երիտասարդ հայեր ձեռնոցներ եւ դիմակներ են բաժանել: Երիտասարդները հայտնվել են ռեպորտաժի կադրերում, որոնցում երեւում է, թե ինչպես են ոստիկանները ծափահարում Կլամար քաղաքի հիվանդանոցի բուժանձնակազմին:
Լրագրողների ուշադրությունը գրավել են երկու երիտասարդները, որոնք ձեռնոցներ եւ դիմակներ են բաժանել: Նրանք հայտնել են, որ դրանք գնել են սեփական միջոցներով:
«Ցավոք, սա այն նվազագույնն է, ինչ մենք կարող ենք անել»,- ասել են նրանք՝ չնշելով իրենց անունները, սակայն հայտնելով, որ հայ են եւ այդպես են դաստիարակվել՝ օգնել հնարավորությունների սահմաններում: «Այդպիսին է մեր մենթալիտետը»,- նշել է երիտասարդներից մեկը: