Ապրիլի 5-ին նախատեսված Ամստերդամ-Մինսկ-Երևան չվերթները կիրականացվեն ավելի մեծ օդանավերով։ Այս մասին հայտնում է Նիդերլանդներում ՀՀ դեսպանությունը։
«Հարգելի՛ քաղաքացիներ,
Հաշվի առնելով Հայաստան վերադառնալ ցանկացողների պահանջարկի աճն և ընդառաջելով դեսպանության խնդրանքին՝ Բելավիա ավիաընկերությունն ապրիլի 5-ին նախատեսված Ամստերդամ-Մինսկ-Երևան չվերթները կիրականացնի ավելի մեծ օդանավերով, քան ծրագրված էր նախապես։
Հորդորում ենք Հայաստան վերադառնալ ցանկացող Նիդերլանդներում գտնվող ՀՀ քաղաքացիներին՝ օգտվել վերոհիշյալ թռիչքից։
Տոմսերը կարող եք գնել belavia.by կայքից։
Ընկերության գրասենյակի հետ կարելի է կապվել հետևյալ հեռախոսահամարով. +31 20 7997 757»,- ասվում է դեսպանության ֆեյսբուքյան էջում տարածված հայտարարությունում։