Կորոնավիրուսի տարածման հետ կապված իրավիճակը Ռուսաստանում բարդանում է, արձանագրել է ՌԴ նախագահ Վլադիմիր Պուտինը, հայտնում է «Ինտերֆաքսը»։
«Մեզ մոտ երկրում իրավիճակը բարդանում է, եւ աշխարհում էլ կորոնավիրուսի հետ կապված շատ բարդ իրավիճակ է»,- ասել է նա կառավարության անդամների հետ տեսախորհրդակցության ժամանակ։
Պետության ղեկավարի խոսքերով՝ Ռուսաստանում կարանտինի մեջ է 3,3 մլն մարդ։ «Զննման մեջ է ընդահանուր 1777 մարդ, ինքնամեկուսացման մեջ՝ 292 740 մարդ»,- ասել է նա։
Ռուսաստանի առաջնորդը նաեւ հայտնել է, որ ռուսաստանցիների զգալի մասը, որը մշտական բնակվում է արտասահմանում, այժմ վերադառնում է ՌԴ։ Պուտինը ենթադրել է, որ նրանց համար հեշտ չի բժշկական օգնություն ստանալ այն երկրներում, որտեղ ապրում են։
