Միացյալ Նահանգները ատում է իրանական միջուկային համաձայնագիրը, նա դուրս է եկել համաձայնագրից եւ խախտել է այն, միաժամանակ պատժելով բոլորին, ով հավատարիմ է իրեն։ Այս մասին ասվում է միջուկային գործարքից ԱՄՆ-ի դուրս գալու երկրորդ տարելիցի հետ կապված ԻԻՀ ԱԳՆ հայտարարության մեջ, տեղեկացնում է Mehr-ը։
«ԱՄՆ-ը իրավունք չունի գործարքի մասին հարցեր բարձրացնել»,- նշվում է հայտարարության մեջ, որը ուղեկցվում է լուսանկարների հրապարակմամբ, որոնցում ցույց են տրվում ԱՄՆ-ի կողմից իր պարտավորությունների կատարման ութ խախտումներ։
Հիշեցնենք, որ ԱՄՆ-ը փորձումէ երկարաձգել Իրանին զենքի մատակարարման էմբարգոն, որի ժամկետը լրանում է այս տարվա հոկտեմբերին։ Վաշինգտոնը հայտարարել է, որ կօգտագործի ՄԱԿ ԱԽ-ում բոլոր գործիքները՝ իր նպատակին հասնելու համար։ Սակայն համարվում է, որ այդպիսի բանաձեւի վրա վետո կդրվի Ռուսաստանի եւ Չինաստանի կողմից։ Որպես այլընտրանք՝ Վաշինգտոնը կփորձի ապացուցել, որ հանդիսանում է համաձայնագրի մասնակից, որպեսզի գործարկի Իրանի դեմ միակողմանի պատժամիջոցների ակնթարթային վերականգնման մեխանիզմը։
Նշենք, որ ԱՄՆ նախագահ Դոնալդ Թրամփը հայտարարել է համաձայնագրից 2018թ․ մայիսին դուրս գալու մասին եւ կրկին միակողմանի պատժամիջոցներ է սահմանել Իրանի դեմ։