Կորոնավիրուսի (Covid19) տարածումը կանխարգելելու նպատակով՝ հունիսի 1-ի վաղ առավոտից ՀՀ քաղաքաշինության, տեխնիկական եւ հրդեհային անվտանգության տեսչական մարմնի մասնագետները ՀՀ ոստիկանության ծառայության հետ համատեղ ուժեղացված հսկողություն եւ մշտադիտարկումներ են իրականացնել մայրաքաղաքի Արաբկիր վարչական շրջանում:
Կանոնավոր երթուղիներում շահագործվող տրանսպորտային միջոցներում հայտնաբերվել են մի շարք խախտումներ եւ թերություններ: Հիմնական խախտումներն են՝ ուղեւորափոխադրումը կատարվել է առջեւի նստատեղին միաժամանակ երկու ուղեւորի նստեցումով, որոշ դեպքերում բացակայել է ախտահանիչ հեղուկը: Հայտնաբերվել են նաեւ գերբեռնված երթ իրականացնող տրանսպորտային միջոցներ, այդ թվում կանգնած ուղեւորներ:
Նշված խախտումների հիմքով ՃՈ կողմից կազմվել են արձանագրություներ։
Տեսչական մարմնի մասնագետները տեղում տրամադրել են ցուցումներ եւ իրականացրել ակտիվ իրազեկման եւ բացատրական աշխատանքներ՝ ՀՀ Պարետի մայիսի 14-ի թիվ 74 որոշման պահանջների կատարումն ապահովելու նպատակով։
Երեւանի այլ վարչական շրջաններում եւ մարզերում եւս ակտիվ աշխատանքներ են տարվում, որոնք շարունակվելու են ամբողջ օրվա ընթացքում:
