ՀՀ վարչապետ Նիկոլ Փաշինյանի «պայքարը» կորոնավիրուսի դեմ թիրախավորում է հասարակ քաղաքացիներին, որոնք, նրա կարծիքով, խատխում են հակահամաճարակաբանական կանոնները: Նա հրապարակել, ապա ջնջել է երիտասարդ աղջկա լուսանկարը, որը մակագրել էր «անթաքույց գեղեցկություն» բառերով:
Անտեսելով մասնավոր կյանքի մարդու իրավունքը՝ Փաշինյանը շարունակում է հրապարակել մասնավոր անձանց լուսանկարները՝ ընդ որում թիրախավորել հասարակ մարդկանց, եւ կորոնավիրուսի ռեկորդային ցուցանիշնրի ողջ մեղքը գցելով նրանց վրա: Ավելին, բազմիցս հրապարակվել են մեկ տարվա վաղեմությամբ լուսանկարներ եւ տեսանյութեր, որոնք խոսում են այն մասին, որ ոչ ոք դրանք չի ստուգում հրապարակումից առաջ:
Հարց է առաջանում՝ արդյոք երկրի ղեկավարն այդքան շատ ժամանակ ունի Ֆեյսբուքում անցկացնելու համար:
Մի՞թե երկրի կառավարման համակարգն այնքան ցավալի վիճակում է, որ խախտում հայտնաբերելու միակ միջոցը չստուգված լուսանկարներ եւ վիդեոներ հրապարակելն է:
Ինչո՞ւ է Փաշինյանը փորձում Հայաստանում «պավլիկ մորոզովների» սերունդ մեծացնել՝ խրախուսելով ատելությունն ու անհանդուրժողականությունը: Քաղաքացիական գիտակցությունը չեն դաստիարակում՝ ամբողջ երկրին եւ սեփական անձը ծաղրանքի ենթարկելով եւ խախտելով մարդու հիմնարար իրավունքները:
Մի՞թե նրա շրջապատում չկա առողջ դատող եւ գրագետ մարդ, ով նրան կբացատրի, թե որոնք են երկրի վարչապետի գործառույթները:
