News
Լրահոս
News
Երեքշաբթի
Մայիս 17
USD
454.99
EUR
474.78
RUB
7.21
Տեսնել լրահոսը

ՌԴ առողջապահության նախարարությունը Ռուսաստանում կորոնավիրուսի բարդացումների դեմ կիրառման համար եւս մեկ դեղամիջոց է գրանցել, շաբաթ օրը հայտնել է հաստատության մամուլի ծառայությունը։

«Լեւիլիմաբը (առեւտրային անունը «Իլսիրա») երկրորդ դեղամիջոցն է, որը գրանցվել է արագացված գործընթացով»,- ասվում է մամուլի ծառայության հաղորդագրության մեջ, տեղեկացնում է «Ինտերֆաքսը»։

Նոր դեղամիջոցը ցուցված է հիվանդության ծանր ընթացքով պացիենտներին այն դեպքերի համար, երբ զարգանում է COVID-19-ի բարդություններից մեկը՝ այսպես կոչված «ցիտոկինային փոթորիկը»։

«Ցիտոկինային փոթորիկը» օրգանիզմի ավելցուկային բորբոքային ռեակցիան է վիրուսի դեմ, որը հանգեցնում է հյուսվածքների եւ օրգանների, մասնավորապես՝ թոքային հյուսվածքի վնասմանը, վարակի ծանր ընթացքին՝ հնարավոր մահվան ելքով։

Ինչպես հայտարարել են առողջապահության նախարարությունում, «ցիտոկինային փոթորկի» զարգացման կանխումը ծայրահեղ կարեւոր է COVID-19-ի բուժման համար։

Լեւիլիմաբը, դեղամիջոցների պետական ռեեստրում տեղեկատվության համաձայն, թողարկվում է ենթամաշկային ներարկման համար լուծույթի տեսքով։

Դեղամիջոցն արտադրում է «Բիոկադ» ՓԲԸ ռուսական դեղագործական ընկերության կողմից։

Արտադրողի կայքում տեղեկատվության համաձայն, ի սկզբանե Լեւիլիմաբը մշակվում էր ռեւմատոիդային արթրիթի բուժման համար, սակայն հետագայում պարզվել է, որ գործող նյութը ունակ է պայքարել «ցիտոկինային փոթորկի» դեմ։

Ավելի վաղ ընկերությունում ստացել էին առողջապահության նախարարության թույլտվությունը՝ կորոնավիրուսային վարակի ծանր ընթացքով պացիենտների մոտ Լեւիլիմաբի կլինիկական հետազոտության անցկացման համար։

Մեկ ամիս առաջ Ռուսաստանում գրանցվել էր COVID-19-ի դեմ պայքարի համար առաջին դեղամիջոցը՝ Ավիֆավիրը։ Արտադրողները հաստատում են, որ դեղամիջոցի օգտագործման դեպքում կորոնավիրուսի ախտանիշները կրկնակի արագ են վերանում։ Նրանք խոստանում են դեղամիջոցի առաջին 60 000 խմբաքանակը հիվանդանոցներին մատակարարել մինչեւ հունիսի 11-ը։

Նախօրեին Ուղիղ ներդրումների ռուսական հիմնադրամի ղեկավար Կիրիլ Դմիտրիեւը նախագահ Վլադիմիր Պուտինի հետ հանդիպմանը հայտնել էր, որ Ավիֆավիրը պացիենտների բուժման համար անվճար կմատակարարվի հիվանդանոցներին։

Շաբաթ օրը օպերատիվ շտաբը հայտնել էր, որ վերջին օրերին նոր տեսակի կորոնավիրուսով վարակվածների թիվը Ռուսաստանում աճել է 8855-ով։ Այսօրվա դրությամբ երկրում ընդամենը 458 689 դեպք կա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հարավային Կորեան փորձել է Հյուսիսային Կորեային օգնություն առաջարկել քովիդի դեմ պայքարում
Փհենյանի իշխանությունները չեն արձագանքել Հարավային Կորեայի նախաձեռնությանը...
Հայաստանում կատարվել է կորոնավիրուսի դեմ 2 միլիոն 188 հազար 62 պատվաստում
Բուստեր՝ երրորդ դեղաչափ ստացել է 51 հազար 361 մարդ...
ՄԱԿ-ը պատրաստ է օգնել ԿԺԴՀ-ին կորոնավիրուսի բռնկման դեմ պայքարում
Մենք մտահոգությամբ հետեւում ենք կորոնավիրուսի բռնկմանը ԿԺԴՀ-ում:
Կիմ Չեն Ընն առաջին անգամ հանրությանը ներկայացել է դիմակով
Հյուսիսային Կորեայի առաջնորդը հանրությանն է ներկայացել բժշկական դիմակով...
Հյուսիսային Կորեայում կորոնավիրուսով վարակման առաջին դեպքն է հայտնաբերվել
Հյուսիսային Կորեայի տարածքում կորոնավիրուսով վարակման առաջին դեպքն է հայտնաբերվել, նշել է Կորեայի կենտրոնական հեռագրական գործակալությունը...
Եվրոպայի օդանավակայաններում եւ ինքնաթիռներում դիմակ կրելն այլեւս պարտադիր չի լինի
Նոր հանձնարարականներն ուժի մեջ կմտնեն 2022 թվականի մայիսի 16-ից...
Ամենաշատ