Հնդկաստանում մեկ օրվա ընթացքում կորոնավիրուսով վարակվածների թիվն աճել է ավելի քան 9,97 հազարով եւ կազմում է 246 628, վկայում են առողջապահության եւ ընտանեկան բարեկեցության նախարարության տվյալները, հաղորդում է ՌԻԱ Նովոստի-ն։
Համաձայն Ջոնս Հոփքինսի համալսարանի տվյալների՝ Հնդկաստանն այժմ գտնվում է հինգերորդ տեղում հիվանդացածների թվով՝ առաջ անցնելով Իսպանիայից եւ Իտալիայից։
Շաբաթ հաղորդվել է հիվանդության 236 657 դեպքի մասին, իսկ մեկ օր առաջ այդ թիվը կազմել է 226 770 մարդ։
Երկրում բուժում է ստանում 120 406 մարդ, առողջացել է 119 292-ը, մահացել՝ 6 929 մարդ (մեկ օրվա ընթացքում՝ 287 պացիենտ)։
Ամենաշատը տուժել է երկրի կենտրոնում Մախարաշտրա նահանգը, որտեղ գրանցվել է հիվանդության ավելի քան մեկ երրորդ դեպքերը՝ 82 968 (մեկ օրում՝ 2 729 մարդ)։ Երկրորդ տեղում է՝ Թամիլնադ նահանգը՝ 30 152 հիվանդ (մեկ օրում՝ 1 458 վարակված), իսկ երրորդ տեղում՝ Դելի մայրաքաղաքային շրջանը, որտեղ հայտնաբերվել է 27 654 մարդ (մեկ օրում՝ 1 320 վարակված)։