Տարբեր քաղաքական կուսակցությունների, այդ թվում «Բարգավաճ Հայաստան»-ի հետ «Դաշնակցությունը» անցկացրել է եւ անցկացնում է հանդիպումներ, որոնց ընթացքում քննարկվում են երկրում ստեղծված իրավիճակը եւ դրանից դուրս գալու ուղիները։ Այս մասին NEWS.am-ի թղթակցի հետ զրույցում հունիսի 10-ին հայտարարեց ՀՅԴ Գերագույն մարմնի ներկայացուցիչ Իշխան Սաղաթելյանը։
«Բանակցությունների կոնկրետ արդյունքների մասին կուսակցությունը հանդես կգա լրացուցիչ հայտարարությամբ»,- հավելեց նա։
Նրա խոսքերով՝ ՀՅ «Դաշնակցությունը» կարեւոր է համարում նախաձեռնող խմբի ստեղծումը՝ ընդդիմադիր ուժերի մոտեցումների բացահայտման եւ քաղաքական օրակարգ ձեւավորելու նպատակով, որը կլինի ոչ իրավիճակային եւ այս կամ այն անձի ու գործչի շուրջ ձեւավորված, այլ կելնի ժողովրդի շահերից։