Ղազախստանի առողջապահության նախարար Ելժան Բիրտանովը վարակվել է կորոնավիրուսով։ Այդ մասին նա հայտնել է Facebook-ի իր էջում։
«Ընկերներ, ցավոք ստիպված եմ տեղեկացնել, որ կորոնավիրուսի իմ վերջին թեստը դրական արդյունք է ցույց տվել։ Ցավոք, դա ուղեկցվում է ախտանշաններով, ուստի ես հոսպիտալացվել են ինֆեկցիոն հոսպիտալում։
Չնայած բոլոր խիստ սանիտարական նորմերին, որոնք ես պահպանել են, ռիսկեր միշտ կան։ Հատկապես դա վերաբերում է նրանց, ովքեր աշխատում են կամ չեն կարող աշխատել հեռավար ռեժիմում։ Վերջին օրերին մի շարք շրջաններում գրանցվել է հիվանդության աճ, այդ թվում՝ ձեռնարկատերերի, նրանց աշխատակիցների, բժիշկների, պետական ծառայողների, լրագրողների շրջանում։ Այժմ մեր բազմաթիվ համաքաղաքացիներն ինտենսիվ աշխատում են Ղազախստանում համավարակի եւ համաշխարհային ճգնաժամի հետեւանքները հաղթահարելու ուղղությամբ։
Ես խնդրում եմ ԲՈԼՈՐ մեր հայրենակիցներին պահպանել «անձնական կարանտինը»,-գրել է նա՝ նշելով կորոնավիրուսի կանխարգելման խորհուրդներն ու առողջություն մաղթելով բոլորին։
