ԱՄՆ-ում կորոնավիրուսով հիվանդացության բռնկման պատճառն այն է, որ մարդիկ անտեսում են հեռավորության պահպանման եւ դիմակներ կրելու հանրային առողջապահության սկզբունքները։
Հիվանդության հաստատված դեպքերի ամենօրյա բռնկումը առավել արտահայտված է հարավային եւ արեւմտյան նահանգներում, որոնք չեն հետեւել առողջապահության ոլորտի պաշտոնյաների խորհուրդներին։
«Սա աղետի դեղատոմս է»,- CNN-ին ասել է Ալերգիայի եւ վարակիչ հիվանդությունների ազգային ինստիտուտի ղեկավար Էնթոնի Ֆաուչին։ «Այժմ մենք տեսնում ենք հետեւանքները, որոնք ավելի բարդ է զսպելը, քան լավ հայտնի վայրում, այնպիսին, ինչպիսին բանտն է, ծերանոցը կամ մսի փաթեթավորման ձեռնարկությունը»,- ասել է նա։
Ֆաուչին նշել է, որ լավատեսությամբ է նայում տարեվերջին վակցինայի հայտնվելու հեռանկարին, սակայն պարզ չէ, թե որքանով այն արդյունավետ կլինի՝ հավելելով, որ ոչ մի վակցինա 100%-ով արդյունավետ չի լինի։
