News
Լրահոս
News
Հինգշաբթի
Հունիս 17
Տեսնել լրահոսը

Թաիլանդում հուլիսի 1-ից կբացվեն փաբերն ու բարերը: Երկրի իշխանությունները ծրագրում են լ թույլ տալ արտասահմանյան զբոսաշրջիկների մուտքը այն բանից հետո, երբ վերջին 5 շաբաթվա ընթացքում չի գրանցվել կորոնավիրուսի վարակի ոչ մի դեպք, հայտնում է Reuters-ը:

Փաբերը, բարերը կաշխատեն մինչեւ կեսգիշեր՝ անվտանգության կանոնները, օրինակ՝ սեղանների միջեւ երկու մետր հեռավորությունը պահպանելու դեպքում։

«Ալկոհոլի օգտագործումը կարող է նվազեցնել կարգապահությունը, ուստի նախքան այդ վայրեր այցելելը կիրականացվի մանրամասն մոնիթորինգ»,- ճեպազրույցում հայտարարել է Կառավարության COVID-19 իրավիճակային կառավարման կենտրոնի ներկայացուցիչը:

Թաիլանդում աշխատանքի եւ ընտանիքներով ապրելու թույլտվություն ունեցող օտարերկրացիները նույնպես կկարողանան մուտք գործել երկիր, սակայն կենթարկվեն 14-օրյա կարանտինի:

Պաշտոնյան նշել է, որ կարող է թույլատրվել նաեւ այն արտասահմանցիների մուտքը, որոնց ցուցված է որոշակի տեսակի բուժում, ինչպիսիք են կոսմետիկ վիրաբուժությունը կամ անպտղության բուժումը։

Ճապոնիայից, Հարավային Կորեայից, Սինգապուրից, Չինաստանից եւ Հոնկոնգից գործարար այցելուները կարող են ազատվել երկշաբաթյա կարանտինային ռեժիմից՝ արագացված մուտքի դեպքում, եթե ունեն վկայագրեր, որոնք հաստատում են, որ նրանք վարակված չեն COVID-19-ով եւ ժամանելիս թեսթավորում են անցել։

Թաիլանդի ավիացիոն կարգավորողը հայտարարել է, որ հուլիսի 1-ից կթույլատրվեն միջազգային չվերթները՝ կառավարության պայմանները բավարարող ուղեւորներով:

Այսօրվա դրությամբ Թաիլանդում գրանցվել է COVID-19-ով վարակման 3169, այդ թվում՝ մահվան 58 դեպք, 3,053 պացիենտ ապաքինվել է։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն անդամ երկրներին խորհուրդ է տալիս սկսել վերացնել սահմանափակումներն ԱՄՆ-ից զբոսաշրջիկների համար
ԵՄ մի շարք երկրներ արդեն սկսել են ընդունել ամերիկացի այցելուներին...
Չինաստանի քաղաքացիների պատվաստումը Հայաստանում
Չինաստանի քաղաքացիների պատվաստումները սկսվել են մայիսի վերջին․․․
Թայլանդը կրկին կբացվի այցելուների համար 120 օրվա ընթացքում
«Դա անհրաժեշտ ռիսկ է, քանի որ երկիրը չի կարող իրեն թույլ տալ սպասել պատվաստումների ավարտին...
Ֆրանսիան վերացնում է գիշերային պարետային ժամը
Ներկայումս Ֆրանսիան ամեն օր միջինում շուրջ 3900 վարակման նոր դեպք է գրանցում...
Նյու Յորքում հրավառություն է անցկացվել քաղաքացիների 70 տոկոսի` կորոնավիրուսի դեմ պատվաստման առթիվ
Հրավառությունը տեւել է մոտ 20 րոպե...
Թաջ Մահալ դամբարանը բացվել է այցելուների համար երկու ամիս դադարից հետո
Այն փակ էր այցելուների համար՝ կապված կորոնավիրուսի բռնկման հետ...
Ամենաշատ