Միացյալ Նահանգները չի կարող ակնկալել COVID-19-ի դեմ անվտանգ եւ արդյունավետ պատվաստանյութի հասանելիություն, ասել է Ալերգիայի եւ վարակիչ հիվանդությունների ազգային ինստիտուտի ղեկավար Էնթոնի Ֆաուչին՝ կոչ անելով ամերիկացիներին միասին աշխատել` երկրի մեծ մասում տարածվող վիրուսի դեմ պայքարելու համար:
Կալիֆոռնիան, Տեխասը եւ շատ այլ նահանգներ հայտնում են կորոնավիրուսի նոր դեպքերի ռեկորդային աճի մասին, ինչը հանգեցնում է համավարակի զսպման ԱՄՆ-ի ջանքերի սթափ վերագնահատմանը:
«Չափազանց կարեւոր է այս երկրում բոլորի համար անվտանգ եւ արդյունավետ պատվաստանյութեր ունենալը»,- ասել է բժիշկ Էնթոնի Ֆաուչին՝ հավելելով, որ «չկա որեւէ երաշխիք, որ մենք կունենանք անվտանգ եւ արդյունավետ պատվաստանյութ»:
Ավելի քան 126 000 ամերիկացիներ են մահացել COVID-19-ից, միլիոնավոր մարդիկ կորցրել են իրենց աշխատանքը: Ըստ Reuters-ի տվյալների՝ հունիս ամսվա ընթացքում COVID-19-ի դեպքերի թիվը կրկնապատկվել է առնվազն 10 նահանգներում, ներառյալ Տեխասը եւ Ֆլորիդան:
Լոս Անջելեսը՝ ԱՄՆ երկրորդ խոշոր քաղաքը, դարձել է համավարակի նոր էպիկենտրոն, քանի որ դիտարկվում է կորոնավիրուսի եւ հոսպիտալացման դեպքերի աճ, չնայած Կալիֆոռնիայի նահանգապետ Գեւին Նյուսոմի հրահանգներին, որոնք պահանջում են բարերը փակել եւ դիմակներ կրել՝ բոլոր հասարակական վայրերում:
Երկուշաբթի օրը Լոս Անջելեսի շրջանը հաղորդել է մոտ 3000 նոր դեպքերի մասին:
