Բրազիլիայի նախագահ Ժաիր Բոլսոնարուն վետո է դրել հասարակական վայրերում պարտադիր դիմակներ կրելու մասին օրենքի վրա, հայտնում է BBC News-ը:
Մասնավորապես, բրազիլացիներն այլեւս կարիք չեն ունենա դիմակներ կրել խանութներում, տաճարներում եւ դպրոցներում:
Սոցիալական ցանցերում ուղիղ հեռարձակման ժամանակ Բոլսոնարուն հրաժարվել է լուրջ ճանաչել COVID-19-ի համավարակը։
Բոլսոնարուն մերժել էր այդ օրենսդրական նախաձեռնությունը՝ հայտարարելով, որ այս օրենքի ընդունումը կարող է սեփականության իրավունքի խախտման հանգեցնել: Նա նաեւ վետո է դրել բնակչության անապահով զանգվածին դիմակների պարտադիր բաժանման մասին օրենքի վրա։
Երկրի Կոնգրեսը 30 օր ժամանակ ունի՝ նախագահի կողմից դրված վետոյի չեղարկման համար: