Այժմ կառավարությունում քննարկվում է միայն չարտերային թռիչքների քանակի ավելացման հարցը: Այս մասին հուլիսի 13-ին ՀՀ Ազգային ժողովի արտահերթ նիստին հայտարարեց ՀՀ փոխվարչապետ, պարետ Տիգրան Ավինյանը՝ պատասխանելով պատգամավորների հարցերին՝ կանոնավոր ուղեւորափոխադրումների հնարավոր վերականգնման վերաբերյալ:
Օդային հաղորդակցության վերականգնումը, ըստ Ավինյանի, ընդհանուր առմամբ կախված կլինի արտակարգ դրությունից դուրս գալուց, ինչպես նաեւ՝ վիրուսի տարածման ինտենսիվությունից: «Բայց այս փուլում քննարկվում է միայն չարտերային թռիչքների ավելացման հարցը»,- ասաց Տիգրան Ավինյանը:
Հիշեցնենք, որ այսօր մարտ ամսից Հայաստանում գործող արտակարգ դրությունը երկարաձգվեց եւս մեկ ամսով՝ մինչեւ այս տարվա օգոստոսի 12-ը:
