Կոլումբիայի նախկին նախագահ Ալվարո Ուրիբեի մոտ կորոնավիրուսի է ախտորոշվել այն բանից հետո, երբ երկրի Գերագույն դատարանը նրան տնային կալանքի տակ է առել, հաղորդում է CNN-ը:
Նշվում է, որ նրա մոտ լուրջ ախտանիշներ չկան:
Նախկին նախագահը կալանքի տակ է գտնվում՝ կապված վկաներին կաշառելու գործի հետաքննության հետ:
Գերագույն դատարանի որոշումից հետո նրա աջակիցներն ու հակառակորդները հավաքվել են երկրի մայրաքաղաք Բոգոտայում:
Կոլումբիայի նախագահ Իվան Դուկեն՝ Ուրիբեի պրոտեժեն, հայտարարել է, որ հավատում է նախկին նախագահի անմեղությանը:
