Սինգապուրը աստիճանաբար վերաբացում է իր սահմանները կորոնավիրուսի պատճառով ամիսներ տեւած ճանապարհորդական սահմանափակումներից հետո, հաղորդում է CNBC-ը:
Քաղաք-պետությունը փորձում է փրկել զբոսաշրջության ոլորտը եւ հույս ունի, որ արհեստական բանականությունը կօգնի անվտանգ վերադարձնել զբոսաշրջիկներին:
Պաշտոնական տվյալները ցույց են տալիս, որ հունվարից հուլիսն ընկած ժամանակահատվածում այցելուների ամսական թիվը նախորդ տարվա համեմատ նվազել է 76%-ով:
Չնայած այն փաստին, որ Հարավարեւելյան Ասիայի երկիրը փակ է մնում օտարերկրացիների մեծ մասի համար, պաշտոնյաներն այժմ քննարկում են այցելուների որոշակի խմբերի նկատմամբ սահմանափակումները վերացնելու հարցը:
Տեղական ստարտափները, ինչպիսին են Vouch-ը եւ Travelstop-ը, խաղադրույքներ են կատարում իրենց ԱԲ հիմքով աշխատող համակարգերի վրա, քանի որ երկիրը ընդունում է անվտանգության նոր միջոցներ:
Vouch-ը վաճառում է արհեստական ինտելեկտի հնարավորություն ունեցող թվային դռնապան, որը պատասխանում է հյուրերի հարցերին: Ընկերությունն ասում է, որ իր չաթ-բոտերը, որոնք օգտագործվում են հյուրանոցներում, կարող են հետեւել առողջությանը, հեշտացնել ծառայության անշփում պատվիրումը:
Ընկերությունն ի սկզբանե ստիպված էր փոխել համարներ պատվերների համակարգը` թույլ տալով ուտելիքը եւ խմիչքները տանել, ինչը Սինգապուրի մասնակի արգելափակման ժամանակ հյուրանոցներն անվճար անում էին:
Արհեստական ինտելեկտ օգտագործող այլ ընկերություններ նույնպես լավատեսորեն են նայում երկարաժամկետ հեռանկարին:
Երկու տարի առաջ հիմնադրված Travelstop-ը նպատակ ունի պարզեցնել գործնական ճանապարհորդություններն՝ իր անսերվեր SaaS պլատֆորմի միջոցով, որը կոչված է արագացնել ամրագրման գործընթացը, ավտոմատացնել ծախսերի հաշվետվությունը եւ տրամադրել ծախսերի խնայողություն:
