Ռուսաստանի արտգործնախարար Սերգեյ Լավրովը սեպտեմբերի 30-ին առանձին հեռախոսազրույցներ է ունեցել Ադրբեջանի արտգործնախարար Ջեյհուն Բայրամովի եւ Հայաստանի արտգործնախարար Զոհրաբ Մնացականյանի հետ:
Ինչպես հայտնում է ՌԴ ԱԳՆ մամուլի ծառայությունը, քննարկվել է Լեռնային Ղարաբաղի հակամարտության գոտում իրավիճակի զարգացումը: Ռուսական կողմը լուրջ անհանգստություն է հայտնել շարունակվող լայնամասշտաբ ռազմական գործողությունների կապակցությամբ: Անհապաղ կրակը դադարեցնելու եւ դեէսկալացիայի, ինչպես նաեւ սադրիչ ու ռազմատենչ հռետորաբանությունը կանխելու կոչ է արվել: Ընդգծվել է բանակցային սեղանի շուրջ կողմերի շտապ վերադառնալու անհրաժեշտությունը:
Լավրովն ընդգծել է, որ Ռուսաստանը կշարունակի ինչպես իր ազգային կարողությամբ, այնպես էլ ԵԱՀԿ Մինսկի խմբի մյուս համանախագահների հետ համատեղ միջնորդական ջանքեր գործադրել՝ ուղղված Լեռնային Ղարաբաղի հակամարտության քաղաքական-դիվանագիտական ճանապարհով կարգավորման պայմանների ստեղծմանը: Վերահաստատվել է մոսկովյան հարթակ տրամադրելու իրենց պատրաստակամությունը՝ համապատասխան շփումներ, ներառյալ՝ Ադրբեջանի, Հայաստանի եւ Ռուսաստանի արտաքին գործերի նախարարների ղեկավարների հերթական հանդիպումը կազմակերպելու համար:
