Եթե այնպիսի լուրջ երկրներ, ինչպիսիք են Ռուսաստանը, ԱՄՆ-ը եւ Ֆրանսիան, Արցախի անկախությունը ճանաչեն, դա լուրջ բեկում կլինի նույն բանակցային գործընթացի մեջ, որովհետեւ Ադրբեջանը արդեն չի գնա մաքսիմալիստական մոտեցումների: Այս մասին, այսօր՝ հոկտեմբերի 27-ին, Եռաբլուր պանթեոնում լրագրողների հետ զրույցում ասաց «Հանրապետություն» կուսակցության ղեկավար Արամ Զ. Սարգսյանը:
« Խնդիր կառաջանա, որովհետեւ կստացվի, որ ճանաչված երկրի մայրաքաղաքն ուզում է գրավել: Այս առումով խնդիրն արդեն կգնա փոխզիջումների»,-ասաց նա:
Արամ Սարգսյանը նկատեց, որ նոյեմբերի 3-ին ԱՄՆ-ում նախագահական ընտրություններ են, որտեղ Թրամփը կարող է ընտրվել, կարող է եւ չընտրվել. «Թրամփն իր տեսակով անկանխատեսելի մարդ է, ճանաչեց Երուսաղեմը որպես հրեաների մայրաքաղաք՝ հաշվի չառնելով ողջ աշխարհի մահմեդականներին: Ինքն ասաց, որ Գոլանի բարձունքները արդեն 30 տարի հերաներինն է եւ այն արդեն իրենցն է: Ես չեմ բացառում, որ Պուտինի ու Մակրոնի հետ ունեցած փոխհարաբերությունների շրջանակներում, ինչն ունի Թրամփը, դնի ու ճանաչի, ու տեսնենք՝ էդ ժամանակ Պուտինն ու Մակրոնը ինչ կանեն: Շատ լավ կլինի, եթե այդպես լինի: Ամեն դեպքում պետք է հույս պահել, մենք Ստեփանակերտը, Ղարաբաղը պահելու ռեսուրս ունենք, պետք է ամեն ինչ անենք, որ այդ հնարավորությունը ճիշտ օգտագործենք:
