ԵՄ-ն ավելի քան 10 մլրդ դոլար կվճարի Pfizer-BioNTech-ի եւ CureVac-ի կողմից մշակված կորոնավիրուսի դեմ պատվաստանյութի հարյուր միլիոնավոր դեղաչափ ստանալու համար, հաղորդում է Reuters-ը՝ հղում անելով բանակցություններին մասնակցող ԵՄ պաշտոնական ներկայացուցչին:
Պաշտոնյայի խոսքով՝ Եվրամիությունը կորոնավիրուսի դեմ պատվաստանյութի մեկ դեղաչափի համար 15,5 եվրո է համաձայնել վճարել: Այդպիսով, ընդհանուր գումարը կկազմի 200 մլն դեղաչափի դիմաց մինչեւ 3,1 մլրդ եվրո եւ կավելանա մինչեւ 4,65 մլրդ եվրոյով, եթե գործարքի շրջանակներում գնվի եւս 100 մլն դեղաչափ:
Գների մասին տեղեկությունը հաստատում է, որ Եվրամիությունը մեկ դեղաչափի համար ավելի քիչ կվճարի, քան ԱՄՆ-ն: