ՀՀ պաշտպանության նախարարության շենքի դիմաց այսօր՝ նոյեմբերի 23-ին, արցախյան պատերազմի ընթացքում անհետ կորած զինծառայողների հարազատների բողոքի ակցիան ավարտվեց։

Լրագրողներին վարչապետ Նիկոլ Փաշինյանի խորհրդական Նաիրի Սարգսյանն ասաց, որ անհետ կորած զինծառայողների ծնողներից 25-ն այսօր՝ ժամը 19։30-ին, կհանդիպեն վարչապետի հետ։

«Մնացածի հետ աստիճանաբար հանդիպումներ կլինեն։ Դահլիճում ավելի շատ մարդ հնարավոր չէ տեղավորել»,- ասաց նա եւ հավելեց, որ հանդիպմանը ներկա կլինի միայն վարչապետը։