News
Լրահոս
News
Հինգշաբթի
Օգոստոս 11
USD
405.78
EUR
415.48
RUB
6.71
Տեսնել լրահոսը

Ռուսաստանում ոստիկանության աշխատակիցները համավարակի սկզբից ավելի քան 1,1 մլն մարդու վարչական պատասխանատվության են ենթարկել սահմանափակումների խախտումների պատճառով, որոնք մտցվել էին կորոնավիրուսի տարածման հետեւանքով։ Այս մասին ՏԱՍՍ-ին հայտնել են Ռուսաստանի ՆԳՆ մամուլի կենտրոնից։ ՆԳՆ-ն այս վիճակագրական տվյալներն առաջին անգամ է հրապարակել։

«Ներքին գործերի մարմինների աշխատակիցների կողմից վարչական իրավախախտումների մասին ավելի քան 1,1 մլն արձանագրություններ են կազմվել մեծ պատրաստականության, կարանտինի, ինքնամեկուսացման հաստատված ռեժիմներին չհետեւելու փաստերով»,- ասել են ՆԳՆ-ից՝ պատասխանելով ՏԱՍՍ-ի հարցմանը։ Ռուսաստանցիների գերակշիռ մեծամասնությունը (976,9 հազար) պատասխանատվության է ենթարկվել ՌԴ Վարչական իրավախախտումների մասին օրենսգրքի 20.6.1 հոդվածով («Արտակարգ իրավիճակի կամ դրա առաջացման սպառնալիքի դեպքում վարքագծի կանոնները չկատարելը»), որով նախատեսված է նվազագույնը հազար ռուբլի տուգանք։

Երկրորդ տեղում է Մոսկվայի ՎԻ օրենսգրքի 3.18.1 հոդվածը («Մոսկվայի նորմատիվ իրավական ակտերի պահանջների խախտումը՝ ուղղված Մոսկվա քաղաքի տարածքում մեծ պատրաստականության ռեժիմի սահմանմանն ու ապահովմանը»), որով կազմվել է 109,2 հազար արձանագրություն։ Ռուսաստանցիները զգալիորեն հազվադեպ են պատասխանատվության ենթարկվել ՌԴ ՎԻ օրենսգրքի 6.3 հոդվածով («Բնակչության սանիտարահամաճարակաբանական բարենպաստության ապահովման ոլորտի օրենսդրության խախտումը»), որով կազմվել է 21,5 հազար արձանագրություն։ Այս հոդվածով նվազագույն տուգանքը կազմում է 15 հազար ռուբլի։ Այսպիսով, խախտումների պատճառով տուգանքների ընդհանուր գումարը կազմել է նվազագույնը 1,7 մլրդ ռուբլի։

Ռուսաստանի մարզերը ապրիլից ինքնուրույն են հաստատում կորոնավիրուսի պատճառով սահմանափակման միջոցառումները։ Ոստիկանության աշխատակիցները ձերբակալել են ինքնամեկուսացման, կարանտինի ռեժիմները խախտողներին, հիմա արձանագրությունները հիմնականում կազմվում են ձեռնոցա-դիմակային ռեժիմը խախտողների նկատմամբ։

Կորոնավիրուսի դեմ պայքարի դաշնային օպերատիվ շտաբի տվյալներով՝ Ռուսաստանում համավարակի սկզբից գրանցվել է վարակման 2 215 533 դեպք, ապաքինվել է 1 712 174 մարդ, մահացել՝ 38 558-ը։ ՌԴ կառավարությունը երկրի իրավիճակի մասին տեղեկացնելու համար գործարկել է «ստոպկորոնավիրուս․ռդ» ռեսուրսը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կիմ Չեն Ընը հայտարարել է, որ Հյուսիսային Կորեան հաղթել է կորոնավիրուսին
Կիմ Չեն Ընը հանդիսավորապես հայտարարել է կորոնավիրուսը հաղթահարելու մասին...
1849 նոր դեպք` մեկ շաբաթում. կորոնավիրուսային հիվանդությունից 2 մարդ է մահացել
Այս պահին փաստացի բուժում է ստանում 2161 (+495) մարդ, կատարվել է 3 165 287 թեստավորում…
Բայդենի Covid-19 թեստը դեռեւս դրական է
Ուրբաթ օրը Միացյալ Նահանգների նախագահ Ջո Բայդենի կորոնավիրուսի առկայությունն ընդունող նոր թեստը դրական է եղել. ԱՄՆ-ի առաջնորդը կշարունակի պահպանել ինքնամեկուսացման խիստ կանոնները...
Վերակենդանացման բաժանմունքներում և ստացիոնարներում քովիդով հիվանդների թիվն աճում է․ Անահիտ Ավանեսյան
Առողջապահության նախարար Անահիտ Ավանեսյանը «Սուրբ Գրիգոր Լուսավորիչ» բժշկական ․․․
Կորոնավիրուսի տարբերակներից մահացության տարբերությունները վկայում են դրա արհեստածին լինելու մասին․ ՌԴ ՊՆ
Նա հիշեցրել է, որ մայիսին The Lancet բժշկական ամսագրի առաջատար փորձագետ, Կոլումբիայի համալսարանի պրոֆեսոր Ջեֆրի ․․․
Գերմանիայի կառավարությունը կորոնավիրուսի դեմ պայքարի նոր միջոցառումների ծրագրեր է ներկայացրել
«Գերմանիան պետք է ավելի լավ պատրաստ լինի հաջորդ կորոնավիրուսային ձմռանը, քան նախորդ տարիներին...
Ֆոտոռեպորտաժներ